Xove, 14 de xaneiro de 2014.- Nove concellos da Mariña benefícianse dos apoios de Axencia Galega de Desenvolvemento Rural (Agader) para proxectos que fan posible que rexistren unha importante redución dos gastos enerxéticos.
Así o expuxo este martes a delegada territorial, Raquel Arias, que incidiu no esforzo da Xunta por auxiliar a todos os concellos galegos e protexer o medio ambiente impulsando diversos programas de axuda orientados ao aforro e eficiencia enerxética, como as que promove Agader, as subvencións de Industria a través do Instituto Enerxético de Galicia ou as da Consellería de Presidencia.
Arias visitou este martes en Xove a nova instalación solar fotovoltaica de balance neto para consumo no edificio do concello, financiado con cargo ao programa de Proxectos Dinamizadores impulsado pola Consellería do Medio Rural e do Mar, a través de Agader.
Acompañada polo alcalde de Xove, Demetrio Salgueiro, explicou que a Xunta financia en base a este programa obras de mellora de servizos por valor de máis de 800.000 euros (807.543 euros) en nove concellos da comarca da Mariña (Alfoz, Barreiros, Burela, A Pontenova, O Vicedo, Trabada, Ribadeo, Lourenzá e Xove).
A habilitación dunha instalación solar para consumo no concello foi o proxecto promovido dende o consistorio xovense, unha actuación ambiciosa coa que se pretende complementar o abastecemento existente a través dun modelo medioambientalmente máis sostible a través de enerxías renovables.
De feito, a instalación solar realizada en Xove produciu dende o pasado mes de novembro “un volume de enerxía equivalente ao que xerarían 5,9 toneladas de petróleo, o que serve para facerse á idea do evidente aforro de emisións e de custos que supón”, significou Arias. O proxecto desenvolvido consta de 168 paneis fronius, cunha potencia de 3.080 vatios pico (potencia máxima do sistema), que nos últimos dous meses xerou algo máis de 2.500 euros de enerxía.
Neste sentido, a delegada territorial subliñou que o obxecto das achegas do programa de Proxectos Dinamizadores “é precisamente o de apoiar actuacións con fins de aforro enerxético e fomento do uso das enerxías renovables”.
De feito, os proxectos limítanse “ao uso da enerxía solar fotovoltaica ou térmica” en cubertas de instalacións municipais ou pérgolas dunha altura mínima de 2 metros con utilidade funcional a maiores da de soportar os paneis. No caso das instalacións de enerxía solar fotovoltaica poden ser illadas ou non.
A delegada territorial da Xunta subliñou que esta iniciativa reflicte o compromiso da Xunta como medio rural, “dado que a maioría dos concellos beneficiados atópanse en zonas rurais da comunidade galega, como sucede nesta comarca”.
Ao respecto, Arias gabou o importante esforzo que realiza o concello de Xove, “que está a conseguir un importante aforro en gasto enerxético aplicando medidas como a proposta de Agader, a mellora da eficiencia da iluminación pública ou a utilización de enerxías renovables na piscina, contando para todas elas co apoio da Xunta de Galicia”.
Outros proxectos
A Consellería do Medio Rural e do Mar financia tamén senllas actuacións de máis de 100.000 euros nos concellos do Vicedo e da Pontenova, en actuacións para a construcción de bancadas no campo de fútbol e instalación de placas solares e a realización dunha instalación de paneis fotovoltaicos conectados á rede da casa da cultura, respectivamente.
Así mesmo, nos concellos de Barreiros, Trabada e Lourenzá tamén se apoian distintas actuacións que superaron os 110.000 euros de investimento. Así, impúlsanse proxectos de mellora no museo e centro de interpretación da cultura dos pazos galegos (Lourenzá) e a implantación dun sistema integral permanente de formación ao cidadán sobre xeración de electricidade con enerxías renovables para autoconsumo (Barreiros e Trabada).
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
