Lugo, 30 de xaneiro de 2014.- O Grupo Provincial do Partido Popular reproba a demora de máis de seis anos vivida para que o responsable da Deputación de Lugo, José Ramón Gómez Besteiro, estude unha solución para a posta en valor de inmobles da súa titularidade.
Os populares extraen que, tras os feitos dados, se demostra que a administración lucense, dende que o bipartito provincial accedeu ao goberno, non foi quen de deseñar unhas pautas a seguir que permitisen a reactivación destes inmobles.
O caso do Mirador de Mondoñedo
En concreto, os populares lembran que o actual goberno provincial, PSOE e BNG, cando tomou posesión das instalacións de Mondoñedo; estas estaban en uso e agora máis de seis anos despois “atópanse totalmente desfeitas pola indiferenza da Deputación de Lugo”. Inclusive, dende o GPP explicaron que unha vez en estado ruinoso a administración lucense tentou malvender o edificio, sen sequera condicionar o seu futuro destino.
O GPP lembra que o propio Besteiro visitou a localidade e chegou a identificar este edificio como un lugar prioritario para o municipio, pero, á hora da verdade, non foron quen, -nin el, nin o seus socios de goberno- de sentarse a valorar o estudo da posible dinamización deste edificio turístico.
Neste senso, dende o GPP agarda que a Deputación de Lugo non se agoche e atenda definitivamente a esta petición tal e como é a súa competencia, sen ampararse en ningún tipo de escusa.
Competencia exclusiva da Deputación
Os populares explican que estas infraestruturas asentadas en diferentes concellos da provincia, son importantes focos para darlle un pulo económico e social aos municipios.
A Deputación de Lugo como titular destes edificios é o ente que ten a responsabilidade directa e exclusiva para a posta en valor destes inmobles; é polo tanto, a súa despreocupación ao longo deste anos, estivo a privar aos veciños de posibles fontes inclusive xeradoras de postos de trabalo locais.
O GPP manterase vixiante
Unha iniciativa do Partido Popular na Deputación para a posta en valor destes inmobles está a marcar o inicio para que a administración provincial sexa consciente da súa responsabilidade e da necesidade de apostar pola reactivación e protección do seu patrimonio.
Os populares recibiron con agrado o voto a favor do PSOE e do BNG na Deputación de Lugo, polo que anuncia que se manterá vixiante para que o compromiso do ente chegue a bo fin e definitivamente estes inmobles sexan postos en valor.
Dende o GPP lembran que a iniciativa levada ao último pleno provincial, non foi a única que o Partido Popular trasladou ao organismo interesándose pola situación destes edificios.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).