Santiago, 4 de febreiro de 2014.- A Dirección Xeral de Emerxencias e Interior da Vicepresidencia e Consellería de Presidencia informa de que todo o litoral galego permanecerá en alerta vermella por temporal durante a xornada deste mércores.
Segundo a Axencia Estatal de Meteoroloxía (AEMET) trátase dun temporal costeiro con ventos de Suroeste que acadarán forza 9 e mar combinada do Noroeste con ondas de máis de nove metros. Segundo as predicións da AEMET, a alerta vermella permanecerá activada ata as 15,00 horas aproximadamente, e xa a partires de aí baixará a nivel laranxa para o resto da xornada.
Por este motivo, e co fin de garantir a seguridade dos bens e as persoas, a Dirección Xeral de Emerxencias e Interior, a través do Centro de Atención ás Emerxencias 112 Galicia, informou da situación aos concellos das tres provincias afectadas; ás Deputacións, servizos provinciais e agrupacións de voluntarios de Protección Civil e aos clubs náuticos, entre outros. Deste xeito, agárdase que se adopten as medidas oportunas para garantir a seguridade dos bens e das persoas.
Tamén recórdaselle á poboación a importancia de seguir as medidas de protección como permanecer alonxado de praias, rompentes, paseos marítimos, espigóns ou todas aquelas zonas susceptibles de seren afectadas por un golpe de mar. E igualmente, revisar os amarres das embarcacións antes da chegada do temporal, evitar realizar prácticas deportivas e náuticas.
Ademais, aconséllase consultar a páxina web do CAE 112 (www.112galicia.org), que conta con información meteorolóxica e con enlaces de interese.
Máis de 350 incidencias neste martes
O Centro de Atención ás Emerxencias (CAE) 112 Galicia xestionou esta tarde -entre as 12 e as 18 h.- un total de 351 incidencias a causa do temporal que está a afectar a Galicia durante este martes.
As provincias atlánticas concentraron o maior número de intervencións. Así, en Pontevedra, producíronse o 41 por cento dos incidentes, mentres que un 39 por cento ocorreron na Coruña, un 15% en Lugo e o restante 4% en Ourense. A maior parte das incidencias estiveron relacionadas con caídas de árbores e pólas (159), verteduras nas estradas (29), bolsas de auga (17) e cartaces caídos (12).
Os concellos con maior número de incidentes foron A Coruña, Ribeira, Santiago de Compostela, Boiro e Arteixo, na Coruña; Vilagarcía de Arousa, Moaña, Pontevedra, Cangas, Vigo e Silleda, en Pontevedra; e Lugo e Foz na provincia de Lugo.
Atendéronse máis de 1.500 chamadas
Ademais, entre as 12 e as 18 horas o 112 Galicia atendeu 1.534 chamadas e xestionou un total máis de 500 intervencións, das cales 351 estiveron relacionadas cos fenómenos adversos de nivel vermello en terra e laranxa en costa. O punto de maior actividade tivo lugar ás 16 horas desta tarde.
En canto ás incidencias máis destacadas, en Ferrol o Helicóptero Pesca II rescatou esta tarde a cinco tripulantes dun remolcador que foron trasladados ao porto de Viveiro para lles facer un recoñecemento médico; a Garda Civil cortou o tráfico na PO-11 (Pontevedra), en ambos dous sentidos da circulación a causa da subida da marea; e detectáronse problemas nas vías férreas de Catoira e Padrón; aínda que a esta hora o tráfico está restablecido.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
