Despois de case un mes de inactividade ligueira debido ao Europeo de Amberes, o Burela FS Pescados Rubén volve aos rodos en Vista Alegre, cunha semana de moito traballo por diante. O primeiro rival será mañá, o Umacón Zaragoza, ás 18.30 horas, como antesala de cuartos de final de Copa do Rei, co Ríos Renovables o martes 18, e de novo a reincorporación á liga na pista do flamante FC Barcelona, o sábado 22 (16.15 horas).
Coas forzas renovadas, o equipo laranxa volve para dar continuidade á boa etapa desta segunda volta. “Volvemos con ganas, sobre todo sendo na casa, para tratar de seguir a boa liña de xogo e de resultados” expresaba o capitán burelista Juanma. “Somos conscientes de que non será unha semana nada doada, pero se respondemos ben, serán sete intensos días dos que sairemos fortalecidos” advertía con optimismo o Mariskal.
Desde a sétima posición (26 puntos), o Burela FS recibe ao duodécimo clasificado (16 puntos) apostando pola intensidade. “É un rival sempre complicado que fai moito dano coa defensa zonal, pero se somos fieis ao que levamos adestrando estas semanas ofreceremos moi bo encontro” adiantaba o xogador de Alfoz.
Durante este período, a Copa Xunta foi o aperitivo da escadra mariñá; os laranxas superaron os cuartos de final fronte a O Parrulo FS, de Segunda (1-3). O seu rival de mañá disputou nestas semanas tres amigables; con dúas derrotas ante equipos de Primeira, con Magna Navarra (4-3) e Ríos Renovables (4-6) e unha vitoria, ao FC Ascó (3-7), de Terceira Nacional.
O conxunto de Juanlu, fiel á súa estrutura e engranaje de inicio de tempada, medirase a un rival que levou os tres puntos na primeira volta (3-1) e que desde entón experimentou movementos no mercado de inverno. Luchi chegou para reforzar o equipo maño mentres que Carlos Amores e Carlos Sampedro pasaron a defender a camiseta do Sala Quinto ata final de tempada, aínda que seguen vinculados ao Umacón.
Nas filas locais, a única ausencia será a de Hugo, en pleno proceso de recuperación da súa intervención de menisco. No Umacón, unha vez recuperado Richi Felipe das súas molestias lumbares, Jorge Sampedro contará con todos os xogadores excepto Toru Sato, que por un problema co visado aínda non puido regresar a Zaragoza, e Kiky, que continúa con molestias.
Copa do Rei
O CD Burela FS Pescados Rubén volverá obsequiar a bancada laranxa o martes, 18 (20.30 horas) cos cuartos da Copa do Rei; en fronte terá ao Ríos Renovables, rival directo en competición ligueira. O partido do martes 18 (20.30 horas) contará coa presenza do seleccionador nacional, José Venancio López Ferro. O club mariñán xa abriu a venda anticipada para a trepidante cita copeira. Ata o martes ao mediodía, todas as persoas interesadas poderán adquirir as súas entradas na sede CD Burela FS Pescados Rubén (Horario de atención ao público: de luns a venres, 10.00-14.00 // 16.00-19.00); tamén estarán dispoñibles este sábado na bomboneira.
PREZOS PARA SOCIOS
Adultos: 3 euros
Menores de 18 anos: 1 euro
PREZOS PARA NON SOCIOS
Adultos: 12 euros
Menores de 18 anos: 2 euros
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
