A Mariña, 24 de febreiro de 2014. O Bloque Nacionalista Galego na Mariña fai un chamamento á cidadanía da comarca para secundar a convocatoria de mobilización feita pola Alianza Social Galega para o vindeiro xoves 27 ás 19:30 na Praza do Concello de Burela.
Para a formación nacionalista “é máis necesaria ca nunca unha resposta social contundente na que se deixe claro que a sociedade está por outra saída á crise , xa que é posible adoptar outro tipo de políticas coas que favorecer ás maiorías sociais, fronte ás que se están a adoptar desde os gobernos da Xunta e do Estado que o que fan é atacalas.”
“As medidas que toman cada día os gobernos de Feijoo e Rajoy van en contra das persoas. Recortan dereitos e liberdades da xente, mentres favorecen á banca e ao grande capital. Por iso, somos as persoas que nos estamos vendo afectadas por todas estas medidas as que temos que respostar con contundencia na rúa para deixar claro que esta non é a saída para a situación actual, senón que o que se fai é empobrecer á maioría da sociedade mentres se enriquecen uns poucos.”
As elevadas cifras de desemprego no noso País, os continuos recortes en sanidade, educación e servizos sociais, o retroceso nos dereitos das mulleres ou a perda de poder adquisitivo das persoas pensionistas son algunhas das razóns polas que a Alianza Social Galega chama á mobilización simultánea en varias vilas e cidades o xoves 27.
Para o BNG da Mariña “estas razóns teñen aínda maior relevancia na nosa comarca, onde estamos a sufrir un auténtico drama en materia de desemprego sen que a Xunta de Galiza poña ningunha solución, máis que propaganda que non dá resultado algún. Vivimos nunha comarca na que vemos como as negociacións do goberno de Estado e da Xunta impiden ao noso sector pesqueiro facer o seu traballo e onde non se dá solución ningunha para o continuo peche de empresas emblemáticas da zona. E asistimos día a día á degradación do noso hospital, onde o único que chega do goberno Feijoo son recortes que incluso deixan desabastecido de medicamentos o centro hospitalario e promesas incumpridas, como a do hospital oncolóxico de día ou a tan repetida ampliación. Unha comarca, A Mariña, na que a incidencia da perda do poder adquisitivo das persoas pensionistas ten grande incidencia, xa que son, en moitos casos, os únicos ingresos dunhas familias nas que a mocidade segue a marchar fóra para buscar a vida. Persoas pensionistas ás que os gobernos do PP obrigan a pagar parte dos medicamentos e tratamentos, que foron as grandes roubadas na estafa das preferentes e que, moitas delas, están sendo perseguidas como defraudadoras polos gobernos que non cumpriron coa súa obriga de informar sobre a tributación das pensións no estranxeiro.”
Por todo isto, porque o BNG aposta por outra saída á crise, por unha saída na que non se xere empobrecemento da maioría para o enriquecemento dunha minoría, chama ás mariñás e mariñaos a acudir á convocatoria da Alianza Social Galega o vindeiro xoves 27, ás 19:30h, na Praza do Concello de Burela.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
