Ó sábado 29 as 12 horas no Cine Teatro en Ribadeo, Josep Pàmies impartirá unha conferencia e presentación do libro “Una dulce revolución”.
Organizan: o Grupo de consumo “As Grelas” e a Asociación Cultural “Alesancia”. Colaboran: o Concello de Ribadeo.
O Grupo de consumo “As Grelas” e a Asociación cultural “Alesancia” son unhas asociacións sen ánimo de lucro, formadas por persoas de toda a nosa contorna (Mariña lucense e Occidente asturiano) que desenvolven a súa actividade na procura dunha posta en valor da nosa cultura ,e da recuperación e busca duns xeitos de vida máis saudábeis e sustentábeis. Cultura, terra, alimentación, saúde, non entenden unhas sen as outras.
Estes colectivos teñen o privilexio de contar coa visita de Josep Pàmies, que ben seguro aportará moitos coñecementos na procura destes novos camiños.
Josep Pàmies (Balaguer, 1948) é labrego. Introdutor da Stevia Rebaudiana en España. A Stevia é un edulcorante natural e pranta medicinal curativa en procesos de diabete, hipertensión, colesterol, triglicéridos, ansiedade e obesidade. Labrego convencional nos seus inicios, el mesmo di: “teño 60 anos, fillos e netos. Creo que durante moitos anos, colaborei sen sabelo a que as persoas enfermaran cos produtos químicos cos que regaba as miñas prantas. Teño unha débeda coa sociedade”.
“Desexo dar a coñecer temas que me preocupan ralacionados coa alimentaicón e a saúde, aportar as miñas experiencias nestes campos, que quero compartir con todo aquel que crea no principio de Hipócrates, Padre da medicina, “Que o teu alimento sexa a túa menciña, e a túa menciña sexa o teu alimento”.
O Grupo de consumo “As Grelas” e a Asociación cultural “Alesancia” convidan a toda a cidadanía a participar deste evento.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
