A Mariña, 22 de abril de 2014. O BNG explicou este martes no mercado de Foz as alternativas nacionalistas fronte a unha Unión Europea que despreza e desmantela os recursos produtivos galegos e asfixia os dereitos sociais e laborais da cidadanía, mentres destina inxentes recursos económicos a salvar a gran banca e o capital financeiro. A fronte nacionalista anunciou que a candidata nacionalista ao Parlamento Europeo manterá un encontro con Emigrantes Retornados das tres comarcas de Lugo o próximo xoves 24 en Lugo. Neste sentido dende o BNG deixaron claro o compromiso da organización nacionalista con este colectivo saqueado pola Axencia Tributaria española con nocturnidade e aleivosía, un problema que a propia Ana Miranda levará ao Parlamento Europeo como xa o fixo coa problemática das persoas afectadas pola estafa das preferentes e subordinadas.
PP E PSOE SON CÓMPLICES DAS POLÍTICAS IMPOSTAS POLA UE E A TROIKA CONTRA AS MAIORIAS SOCIAIS
Para o BNG non podemos ficar caladas e calados mentres as políticas impostas pola Troika, co visto e prace antes do goberno estatal do PSOE e agora do PP, mesmo tamén da propia Xunta de Galiza co Sr. Feijoo á fronte, aplican sen contemplacións unha política económica letal para as maiorías sociais ás que condena ao paro e á emigración, recorta dereitos laborais e sociais ou aniquila servizos básicos como ensino e sanidade pública co argumento da austeridade que non lle aplican á gran banca e ás grandes corporacións económicas, ás que salvan con diñeiro público e entregan o negocio da privatización do ensino ou a sanidade pública.
ENCONTRO CON COLECTIVOS DE EMIGRANTES RETORNADOS ESTE XOVES EN LUGO
Dende o BNG puxeron o exemplo dos emigrantes retornados aos que dende a administración de facenda do estado se lles aplican sancións e intereses de demora por non ter feito declaracións de ingresos procedentes do estranxeiro que a propia facenda lles recomendou non facer.
A organización nacionalista quixo deixar claro que, nin PSOE nin PP están libres de responsabilidade no saqueo ao colectivo de emigrantes, xa que os primeiros modificaron a lexislación tributaria e os segundos aplicárona sen aviso previo co que moitas persoas se sentiron estafadas e enganadas.
A candidata do BNG ao Parlamento Europeo, Ana Miranda, Manterá un encontro o próximo xoves, 24 de abril ás 18:30 no Salón de Actos da Casa Sindical de Lugo, con colectivos de emigrantes retornados de toda a provincia no que comprometerá, unha vez mais o apoio do BNG a este colectivo cuxos problemas serán cuestión de debate no Parlamento Europeo. O BNG non contempla outra solución para este colectivo que o cese da persecución exercida pola Axencia Tributaria, o remate das sancións e intereses de demora e a devolución do recadado indebidamente tal como xa se está producindo na vía xudicial.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
