NOTA DE PRENSA
Bautista Álvarez acompaña a Estoa nunha charla o Xoves no Centro Cívico
O Alcalde de Riotorto convida aos veciños a participar nos actos da Patria Galega en Riotorto
O Bloque Nacionalista Galego abre a súa campaña do Día da Patria Galega cun acto público no Concello Riotorto no que participará o Alcalde do mesmo, Federico Gutiérrez Estoa e o histórico dirixente nacionalista Bautista Álvarez. O acto que se celebrará con Centro Cívico de Riotorto o Xoves 16 ás 20:30 pretende achegar a significación que esta data ten para todos os galegos así como o sentido político que os nacionalistas lle dan este ano a mesma. Federico Gutiérrez Estoa quere aproveitar a ocasión para convidar os veciños ao acto.
Segundo adiantou o Alcalde de Riotorto non é casual que a Asemblea Local do BNG de Riotorto pensase na figura de Bautista Álvarez para conmemorar neste concello esta data posto que “Bautista é xa historia viva do nacionalismo, o seu dirixente en activo máis veterano e a persoa que denominou o 25 de Xullo como Día da Patria Galega sendo o principal responsábel da súa restauración despois do franquismo en 1968”.
Gutiérrez destacou que celebramos o 25 de Xullo nunhas condicións de excepcionalidade para o pobo galego pola magnitude da crise económica e pola falta de resposta por parte do Goberno da Xunta e Central ao mesmo. Nesta liña lembrou as dificultades que están a pasar a poboación do rural, non só pola crise do sector lácteo, senón tamén pola crise xeral e pola política de recortes en materia de política social que está aplicar o Partido Popular. Nese sentido amosou a súa preocupación polo impacto que as políticas do PP van ter nas persoas maiores do que é sintomático mesmo a introducción do debate sobre a privatización da axuda a domicilio.
Asemade Federico Gutiérrez denunciou a posición do PSOE e do PP no que ten haber co debate da financiación autonómica e as consecuencias que vai ter nos Concellos Galegos nomeadamente naqueles con moita dispersión e cunha poboación avenlletada. “Se o PSOE sacrifica a Galiza en beneficio dos seus graneiros electorais, Feijoo demostra coa súa improvisación e coa falta de ambición que el non é un Presidente dos Galegos senón un militante do PP ao servicio do que dicta Genova”. Gutiérrez Estoa criticou que non se contemple a variable avellentamento da poboación para a financiación, cando esta encarece os servicios, e denunciou que con este modelo non está garantida a viabilidade da dependencia en Galiza.
Xa por último Federico Gutiérrez esixiu ao PP que poña en marcha ese Plan Anti-Crise que anunciou para os seus primeiros cen días de goberno.”Tal como evolue a situación, isto é pasan os días e non sabemos nada del, todo parece que é un producto “Made in PP”, anuncio propagandístico que se esquece rematada a campaña electoral”, concluíu o nacionalista. Segundo Gutiérrez Estoa é fundamental que a Xunta arbitre medidas adicadas aos autónomos por ser un dos sectores que máis sufre a crise e que máis empregos destrúe día a día.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
