Ribadeo, 15 de setembro de 2014. Estes días comeza a última fase das obras de acondicionamento, humanización e embelecemento da avenida Calvo Sotelo. O investimento, que realizan a Xunta, o Ministerio e o Concello, ascende a 110.000 euros. O prazo de execución é de dous meses. O alcalde, Fernando Suárez, pide disculpas polas molestias que se poidan ocasionar.
O rexedor explicaba esta mañá que “agora, despois das festas e do verán, é o momento de seguir coas obras que tiñamos planificadas, singularmente no casco vello de Ribadeo, grazas a estes convenios entre o Concello, a Xunta e o Ministerio no que ten que ver cos cascos vellos. De aí que sigamos agora cunha nova e última fase da avenida Calvo Sotelo, que fomos facendo nos últimos anos en varios treitos e agora o último que rematará as obras desta avenida e que a converterá nunha rúa ben feita, con árbores, con comodidade para os viandantes, con posibilidade de aparcamento tamén, pero ao mesmo tempo unha rúa moderna dentro dun límite porque a avenida Calvo Sotelo divide o casco vello da zona nova”.
Suárez Barcia indicaba que “cunha inversión de máis de 110.000 euros a empresa adxudicataria da obra a partir de hoxe e durante dous meses estará facendo o mellor posible para que as molestias sexan mínimas, aínda que estou seguro de que vai haber ruídos e outros inconvenientes durante unha temporadiña, pero tamén estou seguro de que ao final o resultado vai pagar a pena por como vai quedar a rúa”.
O alcalde engadiu que “en Rinlo, dado que tamén é unha área de rehabilitación integral, vamos facer o amaño dunha pequena rúa”. Trátase do acondicionamento, humanización e embelecemento dun treito da rúa Esperanza. A inversión neste caso sitúase en 89.000 euros a financiar polo Concello, a Xunta e o Ministerio.
Convenios pendentes
Fernando Suárez lembrou que Xunta e Ministerio levan máis dun ano sen asinar os convenios correspondentes para a rehabilitación de inmobles nos cascos vellos de Ribadeo e de Rinlo: “quixera pedirlles tanto á Xunta como ao Ministerio que se poñan de acordo na obra privada, dado que as subvencións para as vivendas que están nos conxuntos históricos dependen exclusivamente dos convenios entre a Xunta e o Ministerio, xa que o Concello entra cando é obra pública pero non na rehabilitación de edificios privados”.
O alcalde ribadense dixo que “como sei que moita xente está querendo rehabilitar edificios, ben por iniciativa propia ou porque desde o Concello lle estamos indicando que debe facelo, parécenos inxusto que levemos practicamente un ano sen que a Xunta e o Ministerio firmen os convenios, botándose a culpa entre eles un ao outro de se é culpa do Ministerio ou da Xunta. O caso é que os veciños non poden pedir axudas de rehabilitación nestes cascos históricos por non ter os convenios dispoñibles entre estas dúas entidades. E a ver se cumpren, tal é como o está facendo o Concello, coa obra pública que se ten que facer nos seus prazos e cos seus compromisos. De toda esta inversión o Concello está poñendo aproximadamente o 60 por cento, correspondéndolle o 40 por cento restante á Xunta e máis ao Ministerio”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
