Burela, 15 de setembro de 2014. Burela volta pouco a pouco á normalidade tras a tromba de auga que caeu este domingo á tarde e que ocasionou asolagamentos e problemas nos sumidoiros e na rede de saneamento. As zonas máis afectadas foron o porto, Arcadio Pardiñas cruce con Rúa Torrentes, e O Perdouro, ademais de asolagamentos en zonas puntuais. Segundo os datos da estación meteorolóxica do IES Monte Castelo en 35 minutos caeron 129 litros de auga por metro cadrado. O Concello procede hoxe a realizar tarefas de limpeza e de arranxo dos estragos ocasionados e o rexedor referiuse “á enorme cantidade de auga que caeu onte en Burela entre as tres e dez e as catro menos cuarto da tarde e que ten causado algúns problemas, fundamentalmente vinculados co saneamento e con asolagamentos tanto en garaxes como en baixos”.
González Barcia contou que “onte pola tarde xunto con persoal de Protección Civil, de Obras do propio Concello e da empresa de limpeza fixemos unha primeira rolda de inspeccións para ver os danos causados e os máis importantes detectámolos na zona do porto, en concreto entre os bares A Marosa e Miramar, onde se levantou unha tapa de rexistro e parte do asfalto; fronte a Talleres Roca ocorreu o mesmo e varias tapas de rexistro saltaron entre a EDAR e a zona de Absa, en todo ese vieiro que vai cara ao Berbés. Houbo tamén asolagamentos de certa importancia na zona de Arcadio Pardiñas, na confluencia coa rúa Torrentes e coa que vai para Suafonte e tamén na zona do Perdouro, nas inmediacións de IG10, Dielectro, etcétera”.
O alcalde burelés indicou que “xa onte pola tarde o persoal da empresa de limpeza púxose a traballar de forma inmediata para deixar fundamentalmente toda a travesía de Arcadio Pardiñas libre, porque evidentemente era a zona que presentaba máis conflito. A última hora da tarde e primeira da noite o tema estaba xa practicamente estabilizado. E hoxe pola mañá continuamos coa rolda de inspeccións e xa temos traballando a pleno rendemento ao noso persoal, ao da empresa de augas tamén e ao da empresa de limpeza”.
Así mesmo, na mañá de hoxe o alcalde e técnicos de Portos de Galicia valoraron as actuacións a levar a cabo na zona portuaria. A intención é subsanar o problema nas vindeiras semanas.
José Mª González Barcia subliñou que “sirva como dato ilustrativo da cantidade de auga que onte caeu o que nos facilitou o IES Monte Castelo, que ten observatorio meteorolóxico: onte caeron en 35 minutos 129 litros de auga por metro cadrado. Para facernos unha idea, o día das inundacións que provocaron aquela riada que, entre outras cousas, ocasionara problemas en O Perdouro, no conxunto de todo o día caeran 140 litros por metro cadrado. O de onte é un dos datos de precipitación máis altos dos rexistrados polo IES Monte Castelo, porque insisto en que foron 129 litros en soamente 35 minutos. Meteogalicia rexistrou 103 litros por metro cadrado, en dez minutos na estación do Monte Castelo”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
