Trala convocatoria dun pleno extraordinario que o PSOE de Lourenzá solicitara para “tratar determinados temas de especial importancia para os veciños e veciñas de Lourenzá”, os socialistas queren manifestar o seu malestar “ó ver que o equipo de goberno convoca dito pleno para o 2 de outubro ás 12.30 horas da mañá negando a nosa petición de que dito pleno se celebrase en horario de 20.30 horas para que todos os veciños que quixeran puidesen asistir. Isto deixa claro a falta de transparencia do equipo de goberno e pon unha vez máis sobre a mesa a súa forma escura e oculta de facer as cousas”, asegura a voceira, Rocío López.
O PSOE de Lourenzá amósase decepcionado coa rexedora local, Enma Álvarez, debido á súa “pouca predisposición a acceder ás nosas peticións” e afirma que non “nos sorprende a súa forma de traballar; xa que intentan por todos os medios que as cousas importantes que atañen ós vecin@s de Lourenzá pasen totalmente desapercibidas”.
ASí mesmo, dende o PSOE recalcan tamén que “en diversas ocasións a alcaldesa Enma Álvarez organizou no Concello diversas charlas abertas a todo o público en xeral acerca de temas de actualidade ou importantes para a cidadanía”, pero critican que “nunha cuestión de vital importancia coma a perda da subvención do Pazo de Tovar non o faga. Trátase de algo que pode afectar aos petos dos veciños e veciñas de Lourenzá, que terán que pagar os 98.000 euros que o Concello perdeu por culpa da súa mala xestión”.
O PSOE de Lourenzá cree que “este si é un tema realmente importante para convocar unha charla pública e poñer sobre a mesa toda a documentación do proceso e sobre todo dar explicacións a todos os laurentinos de todo o que está pasando”.
Así mesmo, o PSOE de Lourenzá pon de manifesto a vontade espresa de todos os seus concelleiros de non cobrar as dietas de asistencia a este pleno extraordinario.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).