Foz, 18 de febreiro de 2015.- Os Concelleiros Independentes de Foz votarán a favor da modificación orzamentaria que será levada ó vindeiro pleno para poder financiar un novo plan de emprego. Este novo plan de emprego foi unha das condicións que este grupo de concelleiros propuxo para que saíran adiante os orzamentos coa nosa abstención, xa que non se recollían tódalas nosas propostas.
A modificación orzamentaria consistirá en redestinar 220.000,00€ repartidos da seguinte forma:
140.000,00 € irán destinados a emprego directo: donde se inclúe, a proposta deste grupo unha praza de oficial mecánico, unha praza para persoal discapacitado e outra praza para persoal titulado.A maiores tamén terá cabida un oficial 1ª de Obra, dous peóns de Obra, dous Peóns medioambientais, un administrativo e dous barrendeiros, todos eles con unha contratación de 6 meses. Ademais este plan contempla a contratación durante 3 meses de 4 socorristas e 2 empregados do fogar durante 9 meses.
60.000,00 € destinados as Empresas para axudas á contratación, facilitando con ata 2.300,00€ a formalización de contratos indefinidos e con ata 1.500,00€ se estes son temporais.
20.000,00 € destinados a inversións, dos cales este grupo esixe que 10.000,00 € se comprometan para o traslado das instalacións da Protectora de Animais para o terreo que o Concello ten no Polígono Industrial de Fazouro.
Queremos ademais engadir que somos conscientes de que este plan só é unha pequena axuda para paliar o grave problema de paro que estamos a sufrir no noso concello, pero que é un paso hacia adiante dun camiño que este grupo de concelleiros está disposto a recorrer para tratar de minimizar a alta taxa de desempregados no Concello de Foz. Por isto sempre estaremos de acordo con calquera iniciativa que vaia nesa dirección.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.