Ribadeo, 10 de xullo de 2015.- O alcalde de Ribadeo, Fernando Suárez, invitou na mañá deste venres a ribadenses e visitantes a participar na segunda edición do Ribadeo Indiano, que botou a andar esa mesma tarde e durante o fin de semana encherá as rúas de Ribadeo de actos de lembranza da emigración galega a América.
O rexedor dixo que este evento “é unha festa esperada, querida e sentida por toda a xente de Ribadeo”. Logo do éxito da primeira edición Suárez Barcia asegurou que Ribadeo promete ser nesta edición “un centro de interese turístico e cultural de primeira magnitude. Creo que en Ribadeo todo o mundo ten as súas vestimentas para caracterizarse ao xeito indiano, pero tamén xente doutros sitios, a xulgar pola ocupación altísima dos hoteis”, afirmou.
Ademais da festa e da promoción turística de Ribadeo, a festa indiana pretende servir de homenaxe aos veciños que buscaron unha mellor vida na emigración. O alcalde sinalou que “estes tres días de festa serven para recoñecer e valorar o traballo e a tristura dos que se tiveron que ir porque aquí non había traballo e había necesidades. Tiveron que marchar para América, posteriormente para Europa, e moitos non volveron, os menos triunfaron, outros sobreviviron simplemente, pero en todo caso todos levaron o recordo desta terra. Os que puideron, porque fixeron fortuna, acordáronse da terra que os viu nacer e puideron facer infraestruturas, actividades educativas ou edificios para que os que viñeron detrás puideran vivir un pouco mellor ca eles”.
Fernando Suárez Barcia lembrou algúns dos diversos actos que volverán situar a Ribadeo no tempo dos indianos. Entre eles, a charla que impartirá as 19 horas no Teatro o arquitecto Ernesto Cruzado Estévez sobre a Torre dos Morenos, os pasarrúas, o teatro e o pregón do indiano don Pancho. Boa parte dos actos vanse celebrar no quiosco da música da vila, situado no Parque de San Francisco, que ata agora estivo pechado por obras: “xa está aberto e non porque coincida con esta festa, nin moito menos. Xa nos gustaría que levara días aberto, pero as obras ás veces non se fan tan rápido como a un lle gustaría, nin as empresas son tan áxiles como a un lle gustaría, así que tivemos que recibir as obras un pouco axustadas no tempo. Deunos tempo a abrir na festa indiana e non hai 20 ou 25 días, como nos gustaría. O parque está a disposición dos nenos e nenas de Ribadeo e de fóra, para que proben a tirolina, as redes… Estes novos xogos que nunca houbo en Ribadeo e que seguramente farán as delicias dos mais pequenos”.
O alcalde destacou a variedade de actividades que os visitantes e veciños poderán atopar no Ribadeo Indiano, dende gastronomía e música a conferencias de expertos sobre a historia da emigración: teremos actividades musicais, charlas, visitas guiadas ao casco vello e ás casas indianas que os seus propietarios teñen a amabilidade de ceder, o mercado de ultramar, o festival de habaneras. Son unha chea de actividades tanto en Ribadeo como nas parroquias con máis vinculación indiana, como Rinlo e a Devesa. Así que animo aos que aínda non mercaron a pamela, o sombreiro panamá ou a paxariña para que o vaian facendo porque Ribadeo Indiano vai ser unha autentica festa este fin de semana”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
