Ribadeo, 10 de xullo de 2015.- A bandeira azul e a de Q de calidade, que recibiu este ano de novo o porto deportivo de Ribadeo, foron izadas na mañá deste venres pola nena Marina Felgueroso Pelegrín, que é neta dun dos fundadores do Club Náutico ribadense, Alberto Pelegrín, recentemente falecido. Tamén en homenaxe a el no cartel da Semana Náutica deste ano se reproduce un cadro pintado por Alberto Pelegrín. No acto participou o presidente da Asociación de Clubs Náuticos de Galicia (ASNUAGA), Javier Ruíz de Cortazar; e o alcalde de Ribadeo, Fernando Suárez, ademais do presidente do Náutico local, Ramón Acuña. Entre os asistentes houbo diversas autoridades e tamén unha delegación de xornalistas que traballan para medios ingleses, franceses, irlandeses e portugueses.
O encargado de abrir o acto foi presidente do Real Club Náutico de Ribadeo, Ramón Acuña, quen destacou a axuda que a entidade está a recibir por parte do presidente de ASNUAGA: “imos baixo a súa batuta, estanos a abrir moitas portas, polo cal estamos moi agradecidos e quero que nos diga a impresión que lle causou o porto de Ribadeo. Síntome moi contento porque se elixise precisamente a Ribadeo para que estes xornalistas internacionais que están a facer un percorrido por todos os clubs náuticos de Galicia que dispoñen a Q de calidade sexan os nosos embaixadores no estranxeiro. Hoxe arranca precisamente un itinerario que van facer por todos os portos, que rematará en Vigo o domingo. Pretendemos que se leven unha boa impresión das nosas instalacións, que é importante para nós, que se leven unha bo impresión da nosa hospitalidade e que sexan embaixadores do que aquí temos para que os seus concidadáns nos visiten e poidamos ter un turismo de calidade e se sentan a gusto entre nós”.
Javier Ruiz de Cortazar comentou que “tiña unha espinita cravada, porque a zona da Mariña, e en concreto Ribadeo, estaba un pouco apartada dos circuítos que temos os clubs náuticos e entón hai uns meses lle dixen a Ramón que iamos organizar precisamente esta ruta de portos Q de calidade e que para min era fundamental que se empezase en Ribadeo, porque é a porta de Galicia. Ademais Ribadeo é tamén a porta do Camiño de Santiago entendido como turismo náutico. Hai moitos anos, na Idade Media, viñan moitas embarcacións que deixaban aquí á xente para empezar o camiño por terra”.
O presidente da Asociación de Clubs Náuticos de Galicia engadiu que “aquí teñen as mellores instalacións náuticas de Galicia. É o porto deportivo máis importante, polo menos en número de atraques, e a hospitalidade sempre foi boa. Nós queremos potenciar Ribadeo de cara ao norte de Europa, porque se veñen aquí seguro que poden baixar a outros clubs náuticos. Ademais o tempo acompaña e queremos darnos as grazas polo voso recibimento”.
Concluiu o acto coa intervención do alcalde ribadense, Fernando Suárez, quen destacou que as bandeiras izadas este venres “recoñecen que se fan moi ben as cousas en Ribadeo, e singularmente no Club Náutico, porque izar as bandeiras azul e Q de calidade non é calquera cousa. Moitas veces a bandeira azul ten unha importancia mediática moi importante e ademais hai que traballar durante todo o ano para conseguila, pero a Q de calidade, da que non se fala tanto, case ten máis requisitos de dureza que a propia bandeira azul. Hai moi poucas praias e portos que teñan estas dúas enseñas e aquí, en Ribadeo, aparte das Catedrais, dos Castros, etcétera, temos as do porto deportivo, que levamos con moito orgullo durante os últimos anos”.
O rexedor municipal destacou que “con todo isto, cada un na súa parcela con humildade e con moito traballo, facemos que Ribadeo sexa cada vez máis unha luceciña no mundo do turismo, da náutica, que empeza a brillar con luz propia, indo a máis cada día. Énchenos de orgullo pensar que isto hai uns anos non era así e hoxe podemos dicir que temos unha delegación de xornalistas de revistas europeas, que seguramente van falar moi ben de nós. Espero e confío en que sexa así. E ademais coincide que están aquí durante esta festa que nos inventamos, o Ribadeo Indiano, que seguramente vai ser unha regalía para todos e todas”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
