Cervo, 10 de xullo de 2015.- Maquinaria e operarios da Deputación están acondicionando a estrada provincial de Riocobo a San Cibrao. Estes traballos foron supervisados este venres polo alcalde de Cervo, Alfonso Villares, e polo concelleiro delegado de Obras, Plácido Pérez, e o rexedor municipal destacou que esta actuación é un paso positivo para os veciños de Cervo, que se produciu grazas ao cambio de goberno na Deputación.
Alfonso Villares explicou que “desde onte estanse a facer traballos de limpeza da estrada que vai de Riocobo á San Ciprián, que é titularidade da Deputación Provincial. E neste caso eu teño que agradecerlle á Deputación de Lugo e á súa nova presidenta, en concreto, a súa moi boa disposición dun día para outro, polo feito de que nosoutros lles pedíramos encarecidamente que se acondicionara e limpara está vía, que é a principal entrada ao núcleo máis grande do noso concello, San Ciprián, tendo en conta tamén que nesta próxima semana presentaranse as festas patronais desta localidade, as do Carme. E desde onte estamos vendo a maquinaria e persoal da Deputación Provincial de Lugo, aos que nosoutros estamos apoiando con traballadores, para acondicionar esta vía, que é a principal entrada a San Ciprián, e tamén outras estradas que necesitaban unha limpeza urxente”.
O alcalde destacou que “este é un paso positivo para os intereses dos veciños de Cervo, despois de moito tempo no que había unhas diferenzas que por parte do Concello nunca entendemos polas decisións da Deputación Provincial contra os intereses dos veciños de Cervo. Pero agora vemos que, co cambio que se produciu na Deputación, hai aires novos, de colaboración e de beneficio, sen dúbida ningunha, para todos os veciños e veciñas do concello de Cervo; un trato que eu creo que nunca se debera ter perdido, pero grazas a Deus agora recuperouse”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
