Burela, 19 de maio de 2017. O alcalde, Alfredo Llano, asegura que as obras que se levaron a cabo na avenida Arcadio Pardiñas foron feitas en beneficio de todo o pobo e nunca atendendo a intereses particulares. O rexedor burelés subliña que no seu comportamento sempre está antes a ética que a política.
Alfredo Llano dixo que “eu vou ser claro para que a xente do pobo me entenda perfectamente. O meu principio fundamental de comportamento é ética, sempre é a ética antes que a política. Fundamento todo o que podo facer baseándome na ética, naqueles principios que eu creo que deben ser os bos e servir para estar nun sitio público, incluso no meu traballo, na miña familia e cos meus amigos porque hai que ser solidarios. A solidariedade entra dentro da ética e é antes que a política”.
O rexedor indicou que “cando facemos algo desde o Concello, o grupo de goberno que agora mesmo estamos, pensamos sempre no interese xeral e no ben común. Nunca pensamos para nada en actuacións individuais, non estamos aquí para atender cuestións individuais, non estamos para dar preferencia a un tema individual sobre un colectivo, nós sempre actuamos sobre o colectivo”.
Llano asegurou que “todo o que se fixo en Arcadio Pardiñas e no resto do pobo foi moita obra, levaba moitos anos sen ter tanta obra Burela en asfaltados, melloras e reposicións. Eu penso honestamente que estamos facendo unha labor que creo que lle debe corresponder a un grupo municipal, sempre atendendo ás necesidades do pobo e tratando de mellorar globalmente todo o que poidamos, tanto sexa en servizos sociais, en deportes, en cultura ou en obras, estamos actuando de maneira que procuramos facer unha boa labor para todos. Para que todo o mundo se sinta reflectido e identificado co que se está a facer”.
O alcalde bureles insistiu en que “non pensamos para nada en cuestións individuais que nos recomenden, orienten ou que nos fagan facer cousas que non queremos. A ética é o noso principio fundamental. Agora hai unhas interpretacións de cómo debe ser o que se fixo aí, iso xa é cuestión da xente que o está promovendo. Pero nosoutros, quero que quede claro, estamos traballando polo ben común e polo interese xeral de Burela. Quero que saiba todo o mundo que facemos todo de acordo á lei, respectamos a lei, polo tanto non podemos inventar cousas que non estean de acordo coa lei”.
Alfredo Llano declarou que “procuraremos mellorar a situación tanto en Arcadio Pardiñas como en calquera outra rúa ou necesidade, sempre de acordo con estes principios, coa lei, a ética, o ben común e o interese xeral. Quero deixalo claro. Non entenda a xente que estamos procurando molestar ou facer nada que prexudique. Nosoutros en Arcadio Pardiñas e en todas as rúas que sexan necesarias, imos procurar colocar as máximas vantaxes posibles para o comercio, para os particulares, para todo o mundo, pero sempre de acordo co principio de respecto da institución e co respecto da legalidade. Imos procurar facer todo dentro do ámbito no que nosoutros poidamos movernos, un pobo que sexa moi bo para convivir e sen andar buscando confrontación”.
O alcalde fixo fincapé en que “nosoutros non queremos para nada a confrontación. Queremos que se entenda e respecte o noso proceder porque nunca hai de fondo nada malo, nin hai ningunha intencionalidade de prexuízo nin moito menos, senón que o único que hai é un interese enorme de beneficio, pero para o conxunto, para a poboación, para todo Burela”.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).