Cervo, 05 de xuño de 2017.- O Concello de Cervo entregou esta tarde os premios do VII Concurso fotográfico Cervo Respecta, coincidindo co Día do Medio Ambiente.
En total participaron 16 persoas, de diferentes puntos da xeografía española, que presentaron dúas fotografías por cabeza, o máximo que permitían as bases, ousexa que o total de instantáneas ascendeu a 32, en 12 das cales se identifica claramente unha paraxe do noso Concello.
No acto, que tivo lugar na sala de exposicións do edificio anexo ao Concello, na que xa están expostas todas as fotografías do concurso, participaron, o alcalde de Cervo, Alfonso Villares, e a edil de medio ambiente, Manuela Méndez.
Había tres premios establecidos. O autor da fotografía gañadora foi galardoado cunha figura de cerámica de Sargadelos e un vale de 150 euros para empregar en establecementos do Concello de Cervo. O segundo premio estivo dotado cunha figura de Sargadelos e un vale de 75 euros.
Ademais, tamén se premiou a mellor fotografía medioambiental na que se identificase claramente unha paraxe deste Concello; que recibiu un vale de 50 euros, premio Top Cervo.
Neste senso, o primeiro premio recaeu en Pedro Antonio Vicente Canoura, pola fotografía que leva por título Autillo Europeo (Otus scops), que recibiu 54 puntos.
Na fotografía aparece un Autillo Europeo, a ave nocturna máis pequena da Península Ibérica. Atopábase ferida na estrada e foi rescatada pola patrulla de Seprona. A foto foi tomada mentras se agardaba polo persoal do Centro de Recuperación de Animais Salvaxes.
O segundo premio foi para María Elena Fernández Vázquez, coa foto Remuíños e Maruxaina (47 puntos). Trátase dunha vista da Maruxaina no medio das rochas, nun solpor. Foi capturada cun obxectivo “ojo de pez” e acadou o segundo premio tras unha segunda votación ao empatar coa foto “Souto da Retorta”. Ademais, foi a instantánea do Concello de Cervo que máis puntos obtivo, polo que tamén se fixo co galardón Top Cervo.
Villares e Méndez quixeron felicitar aos gañadores e agradecer a súa implicación e grao de compromiso coa contorna “nesta cita xa consolidada no noso Concello, que celebramos con motivo do Día Mundial do Medio Ambiente, que ten lugar cada 5 de xuño cun único fin: o de concienciar no respecto ambiental, poñendo en valor un dos nosos bens máis prezados e vulnerables, a natureza”.
O xurado estivo composto por profesionais da fotografía, e a exposición estará aberta ao público durante todo o mes.
Cabe lembar que ademais deste certame, o Concello de Cervo ten en marcha diferentes iniciativas nesta liña, como pode ser o programa educativo-ambiental de visitas guiadas ás prantas depuradoras do Concello, a plantación con árbores autóctonas de montes municipais ou a entrega gratuíta de composteiros.
Ademais Cervo forma parte da Rede de Gobernos Locais +biodiversidade dende finais de 2016.
Unha sección da Federación Española de Municipios e Provincias (FEMP) encamiñada á promoción de políticas locais para o uso sostible dos nosos recursos naturais, á preservación do patrimonio natural e ao fomento do desenvolvemento rural, baixo criterios de sostenibilidade.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
