Burela, 14 de xuño de 2017. A Concellería de Medio Ambiente pon en marcha a Ocioteca, con actividades de verán dirixidas a nen@s empadroad@s neste municipio e nad@s entre os anos 2014-2005. En total son 50 prazas que se distribuirán en dous grupos de nen@s con idades comprendidas desde os 3 aos 12 anos.
O prazo de inscrición ábrese o vindeiro luns, 19 de xuño, e as fichas de inscrición e demais documentación xustificativa deberán entregarse no Concello a partir das 8:00 horas. O período para anotarse remata o 21 de xuño e quen non teña formalizada e entregada a ficha de nas datas indicadas, non poderá asistir ás actividades, segundo informan desde a Concellería de Medio Ambiente.
A edil Noelia Mª Ben subliñou que “cada persoa só poderá entregar as fichas de inscrición dos seus fillos e doutra persoa máis (de outro pai ou nai), ao entender que hai xente que traballa e que igual non poden inscribir eles mesmos aos seus fillos nas actividades”.
Será o 26 de xuño cando se faga pública a lista de admitidos no Concello e na súa páxina web.
As actividades da Ocioteca comezarán o 3 de xullo e prolongaranse ata o día 31 de agosto. Levaranse a cabo no CEIP Virxe do Carme (comedor e aula Gaia) de luns a venres entre as 9:00 e as 13:30 horas.
En todas as actividades existe un número máximo de prazas para asegurar o correcto funcionamento dos grupos, e un número mínimo para poder levalas a cabo. Así o grupo de 3 a 7 anos contará con 25 prazas, e o de 8 a 12 anos outras 25.
Desde a Concellería de Medio Ambiente engaden que “a adxudicación de prazas para as Actividades Verán 2017 farase por rigorosa orde de inscrición, sempre que se cumpran os requisitos. Terán prioridade os fill@s con ambos proxenitores activos laboralmente e fill@s de mulleres vítimas de violencia de xénero. En caso de quedar prazas vacantes unha vez iniciadas as actividades, completaranse os grupos seguindo a lista de inscrición. Os nen@s deberán aportar o material necesario para realizar as manualidades (pegamento, cartulinas, plastilina, etc…)”.
Noelia Mª Ben engadiu que “esta Ocioteca está pensada para axudar no verán ás familias a conciliar a vida laboral e familiar”.
Desde o Concello comunican que se están buscando persoas que queiran facer prácticas na Ocioteca durante este verán.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
