ALFOZ / FERREIRA .- A asociación Liga Céltiga Galaica (LCG) propón “aos dous concellos do val, Alfoz e Ferreira, a creación dunha zona wifi xeral” co fin de que “a totalidade do territorio valeco sexa zona wifi, como xa acontece noutros municipios”.
Nota de Prensa
Dende a LIGA CÉLTIGA GALAICA da bisbarra do Valadouro queremos propór aos dous concellos do val (Alfoz e Ferreira) a creación dunha zona wifi xeral, é dicir que a totalidade do territorio valeco sexa zona wifi, como xa acontece noutros municipios. A devandita petición facémola dende a nosa publicación mensal de carácter local O Prado das Chantas, toda a info atópase no arquivo adxunto, no artigo titulado “Wifi no val, é doado”.
Referencia de O Prado das Chantas
WIFI NO VAL, É DOADO
Señores rexedores-responsábeis de ambos os dous concellos do val, formacións políticas e
colectivos sociais:
Pregamos se fagan eco da seguinte proposta da Liga Céltiga Galaica. Non é peado que a Rede
(Internet) chegue aos fogares todos da nosa bisbarra, propoñemos a creación dunha zona wifi (rede
inalámbrica) xeral e valeca, a cal nos mergullará de vez no eido da tecnoloxía e as comunicacións
actuais, coas comodidades (trámites sanitarios, censuais, laborais, papelame administrativa en xeral,
procura de información, contacto permanente co noso círculo social..) que isto conleva.
Estamos a falar da instalación nos concellos da bisbarra do Valadouro dunha rede wifi libre, neutral e
independente, (previa petición de licenza a Retegal) grazas á cal a veciñanza accederá de balde á
Rede dende as súas casas, só terá que mercar un router e máis unha antena, o custo deste
investimento familiar será inferior a cen euros.
Trátase dun proxecto que xa se levou a cabo en concellos como A Estrada e que está en estudo en
moitos outros, nomeadamente naqueles nos que a dispersión demográfica, a orografía (parroquias de
montaña) e a dimensión xeográfica (grande número de núcleos, poboamento moi desigual…) non
favorecen o aproveitamento real e a utilización dos centros sociais e/ou telecentros por parte dos
veciños, como acontece nos casos dos concellos de Alfoz e Ferreira.
Debemos ter en conta que nas actuais sociedades avanzadas, non poucas persoas traballan dende a
casa através da Rede, isto contribúe notabelmente á fixación de poboación no rural e máis á atracción
á campiña de urbanitas abafados na procura dunha existencia máis verde.
Estes proxectos contan con numerosas axudas das institucións comunitarias, estatais e nacionais,
polo que non suporá un grande esforzo eonómico praos nosos concellos, e a poboación valeca verase
grandemente beneficiada dun servizo que precisa pra encarar o futuro con seguranza e decisión,
un servizo que máis ca preciso, é imprescindíbel.
Sres. rexedores: Poden atopar máis información encol disto en guifi.net
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
