Lugo, 27 de setembro de 2017.- O delegado territorial da Xunta en Lugo, José Manuel Balseiro, presentou hoxe os programas que promove Turismo de Galicia na tempada outonal co obxecto de potenciar a oferta turística na provincia de Lugo e reforzar este sector como piar fundamental da economía lucense.
En concreto o representante do Executivo galego na provincia salientou que nos vindeiros meses Lugo acollerá o desenvolvemento da 11ª edición do Outono Gastronómico e a ruta de trens turísticos Lugo Romano, dúas iniciativas que ademais contribuirán a afondar na liña de desestacionalización da demanda turística, que foi un dos retos fixados na Estratexia do turismo de Galicia 2020, o documento acordado entre a Xunta e o sector que recolle os compromisos, retos e as oportunidades neste eido
Unha vintena de casas rurais participantes
No tocante á primeira das iniciativas presentadas, o Outono Gastronómico, trátase da exitosa proposta de turismo rural que se celebra vén celebrando desde o 15 de setembro e que se desenvolverá ata o 17 de decembro na Comunidade. Unha vintena de casas rurais forman parte desta consolidada iniciativa, na que se combinan restauración e aloxamento con modalidades e prezos moi atractivos.
Balseiro explicou que os establecementos participantes ofrecerán dos menús diferentes, con produtos galegos de recoñecida calidade, deseñados especificamente para este fin. Ademais, co fin de adaptarse aos gustos e ás necesidades dos diferentes tipos de viaxeiros, propóñense as modalidades Menú Outono Gastronómico sen pernoitar, Paquete Outono Gastronómico para unha noite, Fin de semana Outono Gastronómico para dúas noites e Fin de semana familiar Outono Gastronómico para dúas noites con nenos. Todas as opcións ofértanse tanto en habitación dobre como en individual, e con tarifas que oscilan entre os 30 e os 300 euros.
O delegado destacou que esta folla de ruta está a dar os seus froitos tamén no turismo rural, pois nos sete primeiros meses deste ano medrou máis dun 7% segundo os datos do Instituto Nacional da Estatística (INE).
Galicia a todo tren
Por outra banda o delegado tamén explicou que o tren Lugo Romano sairá desde A Coruña (con achegamentos gratuítos desde Santiago de Compostela) o vindeiro sábado, 30 de setembro e o 28 de outubro, e inclúe visitas á Casa dos Mosaicos e ao Centro de Interpretación da Muralla, que é Patrimonio Mundial, ademais dunha estancia no Balneario de Lugo.
Os billetes poderán adquirirse a través da web de Renfe e nas estacións, con prezos de 40€ (adultos) e 20€ (nenos). Os interesados atoparán completa información na páxina turismo.gal
“Por primeira vez, as locomotoras non se deteñen co fin do verán, senón que seguen acesas en setembro e outubro con novos destinos e propostas co turismo urbano e de compras, a cultura e o termalismo como eixos”, explicou Balseiro
Trátase ademais da continuación dun programa que acadou unha gran acollida e valoración polo público participante como son as rutas dos trens turísticos e, de feito, así o demostran os outros dous itinerarios que percorreron a provincia de Lugo como foron a Ruta dos Faros e o Tren do Viño Ribeira Sacra que este verán esgotaron os seus billetes.
Balance da época estival
O delegado territorial rematou facendo un balance do verán indicando que, cos datos aínda por pechar, Lugo e Galicia acadaron máximos históricos de viaxeiros e, todo apunta, a que se baterá ese record.
De feito durante o verán (con datos aínda non definitivos pois o venres coñeceremos turismo rural, campings e outros establecementos distintos de hoteis) a provincia recibiu 197.402 viaxeiros, incrementáronse as pernotas nun 3,5% e o tempo medio de estancia nun 5,9% e a ocupación creceu tamén 1,23%
A maiores, con datos xa pechados da oficina de turismo que a Xunta de Galicia ten na capital da provincia. Durante este verán rexistraron un crecemento continuo e sustentable no número de visitantes. Nos tres últimos meses 6.882 persoas recibiron información nesta oficina. O perfil foi dun visitante español (90%) sobre o estranxeiro (10%), son sobre todo madrileños (23,7%), e catalás (15,3%) e Italianos (20%) e franceses (15,3%)
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
