Cervo, 17 de febreiro de 2018.- O voceiro do PSOE en Cervo, Francisco Mon Fernández, demanda ao Alcalde unha maior implicación na creación de empresas e na xeración de emprego na vila. Fíxoi trala aprobación no pasado pleno do selo Doing Bussines Galicia, que promove a Xunta para a redución das cargas administrativas ás empresas. O voceiro advirte que “esta iniciativa soa non é suficiente para atraer as empresas, o Concello de Cervo ten que implicarse de cheo na creación e na promoción do emprego”, explicou.
O voceiro socialista sinala “queremos deixar constancia sobre este protocolo, que xa que pese a non ter valor xurídico, pon de manifesto compromisos carentes de respaldo normativo. Por isto, por parte do Concello, nos Convenios Administrativos que se fagan en base a este Protocolo, polas súas implicacións xurídicas, sí deberán ser redactados con sumo coidado para non incorrer en discriminacións e contradicións coa Normativa Vixente. Posto que o crecemento e a mellora na calidade de vida non é incompatible coa destrución do noso territorio nin a súa venta ás multinacionais a prezo de saldo”.
Mon Fernández lembra que “fai menos dun mes, debateuse a aprobación inicial do orzamento para 2018, e deixamos unhas directrices e medidas claras encamiñadas á reactivación socio-económica do Concello como contraposición á improvisación de Villares e goberno do PP, todo isto encamiñado a frenar a diminución da poboación e poder fixala no noso Concello mediante a creación de emprego e a potenciación de novos motores económicos”. E prosigue, “ao final parece que nos dan a razón, coa sinatura deste protocolo entre a FEGAMP e a XUNTA, para implicarse de maneira directa no plan de incentivos que propuxo o Grupo Socialista, para a reactivación económica , e mellorar así a calidade de vida, o crecemento e a recuperación do estado do benestar no Concello de Cervo”, advertiu.
Así as cousas replica que a sinatura deste protocolo é insuficiente “esta proposta é unha parte máis da ferramenta que necesita o Concello de Cervo para saír do afundimento social e económico ó que o ten sometido o Goberno do PP de Alfonso Villares”, resumiu,
O PSOE de Cervo demandan ao Alcalde unha maior implicación na creación de empresas e na xeración de emprego na vila
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
