Mondoñedo, 27 de xuño de 2018.- O Concello de Mondoñedo acometerá un proxecto de mellora e acondicionamento da Alameda dos Remedios e o seu acceso. O Goberno local pretende con esta actuación recuperar un espazo urbano constituído pola Alameda dos Remedios, situada no acceso á Igrexa dos Remedios.
As obras prolongaranse por un prazo de tres meses e contarán cun investimento de 110.289,13 euros.
Así, o Goberno local pretende con esta actuación recuperar a pavimentación de parte dos accesos, recuperar os muros perimetrais existentes, realizar traballos de mantemento de arborado, con reposición de árbores de gran porte, melloras de eficiencia enerxética do alumeado e reposición de parte do mobiliario.
A pavimentación plantéase de maneira similar ao resto das rúas do conxunto histórico da cidade, con lousa de granito e pizarra colocada a modo de chapa cuña.
Como complemento ás obras de acondicionamento da alameda dos Remedios plantéase o acondicionamento da subida á Alameda, un dos accesos principais á mesma, cuxo espazo actualmente presenta un pavimento en mal estado de conservación. A rúa de acceso non dispón de ningún tipo de servizo, polo que se plantean ademais obras de saneamento e abastecemento.
Levarase a cabo ademais a restauración dos muros perimetrais existentes que en parte fan de muros de contención para a explanada da propia Alameda, proponse a limpeza manual de todos os seus elementos, muros, albardillas, etc…, ademais da renovación dos morteros de enfoscado dos mesmos, actualmente moi deteriorados.
A alcaldesa, a popular Elena Candia, asegura que se trata de acometer un traballo de recuperación dun entorno emblemático situado en pleno conxunto histórico da cidade. “Farase un traballo importante de mellora e acondicionamento que traerá consigo a recuperación integral deste entorno tan importante para Mondoñedo e maiores comodidades para veciños e visitantes”, precisa.
O proxecto foi redactado pola arquitecta da Oficina Municipal de Rehabilitación e polos servizos técnicos municipais.
Consensuar todas as melloras
O Goberno local ten previsto ademais consensuar todas as melloras posibles para a intervención neste espazo, tanto coas asociacións organizadoras das festas como coa veciñanza. Así, atenderán as propostas que xa se teñen feito en relación co soterramento do cableado, as conexións para as actuacións musicais durante as festas ou o valado do parque infantil para incrementar a seguridade, entre outras medidas.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
