Viveiro, 26 de novembro de 2018. O xurado do I Premio de Novela Vilar Ponte reuniuse no día de onte, domingo 25 de novembro de 2018, ás 10:00 horas, na casa do concello, para decidir as obras que serán galardoadas co primeiro e segundo premio, respectivamente.
Nesta xuntanza, Carlos Nuevo Cal, Cronista do Concello de Viveiro, fixo constar non só o exito da convocatoria, á que se presentaron 36 obras, senón tamén a calidade das mesmas, o que supuxo unha dificultade para o xurado á hora de tomar a súa decisión.
Alba Porral, xornalista especializada no ámbito literario, corroborou as apreciacións anteriores e matizou que a ironía que se desprende nalgunha destancando que non é fácil conseguir isto en narrativa e novela.
Pola súa banda, Bernardo Penabade, profesor de lingua e literatura galega, coincidiu coas declaracións anteriores e sinalou que, tras a lectura pormenorizada das obras presentadas, se observa que foron escritas por autores e autoras dende distintos puntos da xeografía galega.
Os membros do xurado estableceron os criterios a seguir para a valoración das obras, indicando que se ía a ter en conta para a calidade literaria e lingüística, a puntuación, a boa narrativa, a temática, a xeneralidade do público á que vai dirixida e a cohesión nas partes da obra.
Tras as deliberacións oportunas, o xurado por unanimidade acordou:
-Conceder o primeiro premio a ADOLFO CAAMAÑO VÁZQUEZ, pola obra Matar o heroe, presentada baixo o lema A CARNE DO TEMPO. As razóns polas que se lle concede este primeiro premio son a solidez narrativa tanto da estrutura como da ambientación espacial, cronolóxica e das personaxes; o seu carácter de obra de contido universalista e a defensa do pacifismo e non violencia en consonancia cos valores cívicos-sociais defendidos polos irmáns Vilar Ponte na súa traxectoria vital.
– Conceder o segundo premio a ROCIO LEIRA CASTRO, pola obra Veleno en familia, presentada baixo o lema PICO SACRO. Concédeselle este segundo premio polas seguintes razóns: por conseguir unha radiografía social da sociedade galega actual; polo dinamismo narrativo proporcionado por unha polifonía de voces corais que ofrecen diferentes interprentacións dunha mesma realidade; pola excelente recopilación de fraseoloxía da linguaxe popular perfectamente contextualizada e pola análise da situación específica das mulleres.
O acto de entrega deste premio terá lugar o vindeiro 30 de novembro, ás 20:30 horas, no Teatro Pastor Díaz, nun acto presentado por LOURENZO FERNÁNDEZ PRIETO, historiador que naceu en Ribadeo en 1961. Fernández Prieto é catedrático de Historia Contemporánea da USC dende 2005 e, na actualidade, é director do Departamento de Historia Contemporánea da USC; foi secretario do IDEGA entre 1992 e 1995 e pertence ao seu consello científico e foi vicerreitor de relacións institucionais da USC entre 2007 e 2010. É autor de máis de cen publicacións e foi galardoado co Premio Losada Diéguez de investigación e o Premio da Crítica de Galicia.
Durante o acto de entrega está prevista a actuación do grupo coral Son de Nós.
Dende o Concello de Viveiro quérese aproveitar a ocasión para convidar a todas aquelas persoas que o desexen a asistir a este acto, que suporá o peche desta primeira convocatoria do I Premio de Novela Vilar Ponte, un concurso literario que o concello de Viveiro organizou coa pretensión de apoiar e difundir a literatura en lingua galega, co propósito de que se consolide no tempo e se convirta nun premio de referencia no ámbito cultural galego.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
