Ribadeo, 13 de agosto de 2013. O Bloque Nacionalista Galego vai homenaxear, o vindeiro domingo 18 de agosto, a todos e a todas as veciñas de Ribadeo que foron vítimas da represión franquista nun acto que se celebrará a partir das 12:00 h no Cantón dos Moreno e no que a máis das intervencións de Fernando Suárez (alcalde de Ribadeo) e Ana Ermida (responsábel comarcal do BNG) se procederá ao descubrimento dunha placa conmemorativa na casa do que foi o derradeiro Alcalde Republicano de Ribadeo Rafael Cardoso coa lenda “ Na memoria dos demócratas e dos republicanos de Ribadeo”.
Segundo indicou a Responsábel Comarcal do BNG, Ana Ermida , “non é esta a primeira vez na que o BNG homenaxea aos ribadenses que sufriron o franquismo, nin tampouco é a primeira ocasión na que os nacionalistas lembramos aos demócratas na Mariña, algo que levamos facendo desde fai 12 anos en diversos concellos, porén a convocatoria deste ano ten unha particular significación pola dimensión tanto cualitativa como cuantitativa que a represión tivo en Ribadeo, como pola natureza da mesma en coherencia co alcance que acadou na vila a resistencia así como pola forza do movemento frentepopulista e nacionalista e tamén, porque non dicilo, polo que o noso Concello achegou ao esforzo do proceso de cambio que no nacional e no territorial significou a II República”.
Ana Ermida indicou que “imos a lembrar a máis de 152 veciños e veciñas de Ribadeo, homes e mulleres de diferentes clases sociais, posicións ideolóxicas e que foron sometidas a diversas tipoloxías represivas. Na homenaxe van estar presentes os asasinados, como Navarret, Margolles, Fariñas, García, os Torviso ou “O Barquillero” ou Rosalía Alonso, pénsese nos máis de 23 asasinados deste Concello, os exiliados como López Durá ou Pérez Prieto ou os que remataron en campos de concentración dos nazis como José Fernández Fernández, ribadense preso nos campos de concentración de Krems-Gneixendorf XVII-B e Mauthausen onde sería liberado polo Exercito Vermello. Son 152 os nomes, homes e mulleres que imos lembrar, a listaxe dos nomes da dignidade ribadenses que padeceron asasinato ou represión por defenderen a causa da democracia e das liberdades republicanas, con elas acaba o golpe de estado de 1936, a feroz represión que o acompaña, a guerra civil que provoca e a ditadura que se instaura como consecuencia da vitoria franquista. É hora de mudar a historia porque cando entran en conflito as memorias dos vencidos e as dos vencedores, por definición sempre trunfan as destes últimos.
“Por iso – continuou Ermida- para este 18 de agosto de 2013, un día despois do Día da Galiza Mártir que lembra cada ano o asasinato de Alexandre Bóveda na Caeira pontevedresa, desde o Bloque Nacionalista Galego convidamos ás e aos ribadenses a realizaren un acto de xustiza e de dignidade, honrando a memoria daqueles e daquelas que padeceron o terror franquista por defenderen unha sociedade xusta, igualitaria e democrática”.
O Bloque Nacionalista Galego quere en definitiva convidar a todos os veciños de Ribadeo a homenaxear o Domingo 18 de Agosto ás 12:00 h, no Cantón de Ribadeo, ás vítimas do franquismo que veñen a ser os mesmo que os defensores dunha sociedade de iguais e de libres, unha lembranza que non pode ficar no marco estreito das forzas políticas senón que ten que ser quen de unir ao seu carón a toda a sociedade, un acto que pretende pór en valor os ideais de democracia real polos que loitaron e que hoxe son cuestionados polos mesmos que actuaron naqueles días de 1936 de verdugos intelectuais, unha conmemoración que debe servir para denunciar o maior xenocidio da historia de Galiza e de Ribadeo, porque en Ribadeo non houbo guerra senón limpeza duns contra o pobo, isto é condenar o terrorismo, o único terrorismo que existiu no noso Concello que as forzas da reacción exerceron contra as maiorías sociais, en definitiva, estamos diante dunha afirmación de xustiza que só se pode facer desde a lembranza a todas as vítimas, unhas vítimas que aínda están a gardar as debidas escusas por parte dos seu verdugos.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
