Toca celebrar a XXXV edición da Feira do Bonito de Burela. Con inicio no ano 1983 foi asentándose con autoridade como un atractivo cultural, turístico, social e económico no noso concello. Vista con perspectiva ampla, esta feira é unha homenaxe ós mariñeiros, ó mar, ó peixe, á actividade pesqueira sostible, ó medio ambiente e á solidariedade como práctica para unir a un pobo.
A Feira do Bonito implica moito traballo. Traballo que comparten moitos voluntarios e moitas voluntarias, con sesións laborais longas e intensas, necesarias para acadar un resultado óptimo na preparación e na oferta de máis de 3000 quilos de Bonito do Norte que se consumen preparados á grella, cocidos, en empanada, en salpicón e en marmitako. A Asociación Cultural Ledicia organiza, reparte actividade e xestiona todo o proceso.
Son moitos anos celebrando esta feira. Co tempo foi gañando unha personalidade e calidade que a definen como un evento de recoñecido prestixio no conxunto das ofertas gastronómicas de Galicia. No ano 1999 gañou, por méritos propios, o título de Interés Turístico Galego. E este ano, no 2019, acadou o Título Honorífico de Interés Turístico Nacional.
Con este novo recoñecemento valórase a implicación colectiva, solidaria e comprometida de moitos homes e moitas mulleres que aportan valor, identificación e recoñecemento ó seu pobo, ó seu porto e á pesca como oficio nobre e eterno. A motivación de toda esta xente é o orgullo de ofrecer o mellor de si mesmos. Valora á Asociación Cultural Ledicia por crer nun proxecto que aporta tanto a Burela. Ledicia é fundamental. E tamén se valora o entusiasmo, traballo, implicación, responsabilidade e loita amosada polo Concello de Burela, co concelleiro de Cultura , José Díaz, á fronte, que iniciou e culminou este proceso de recoñecemento.
Este evento tamén nos serve para transmitir a nosa forma de exercer a actividade pesqueira, que se basea no respecto á especie, ó medio ambiente, á sustentabilidade e ó emprego de artes tradicionais. Por iso presumimos da calidade dos peixes que se comercializan en Burela. O noso bonito ten calidade suprema.
A Feira do Bonito está rebozada con múltiples actos culturais e musicais que reforzan o atractivo de visitar Burela o primeiro sábado e domingo do mes de agosto. Ademais, como complemento total, realizarase a III edición do Certame Internacional de Pintura Mural AMARTE e estará montada no mesmo recinto do porto a XIX Feira dos Produtos Artesanais e Ecolóxicos PRODUART. Imposible quedarse na casa.
A Feira do Bonito vai gañar peso. Axudará, e moito, a situar a Burela no mapa do mundo. Quero agradecer o esforzo e implicación de todas as persoas que participan e apoian esta feira, por que contribúen tamén á mellora integral de Burela.
Alfredo Llano García. Alcalde de Burela
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
