25N2020. Mondoñedo di non á violencia de xénero
21-11-20
Mondoñedo,21 de novembro, 2020. Este ano 2020 debido á situación sanitaria derivada pandemia da covid- 19 no Concello de Mondoñedo vémonos na obriga de facer un cambio nos actos conmemorativos do Día Internacional contra a violencia de xénero.
Esta vez non contaremos cun punto informativo coma en anos anteriores, se non que faremos unha xornada virtual a través das redes sociais do Centro de Información ás Mulleres de Mondoñedo. Así, o mércores 25 ás 12:00 horas farase público o manifesto “Mondoñedo di non á violencia de xénero”, para o que se contou coa colaboración dos centros educativos do Concello (Escola Infantil, CEIP “Álvaro Cunqueiro Mora” e IES “San Rosendo”-A Granxa). Á hora indicada publicaremos nas redes sociais o vídeo editado para a ocasión. Poderase encontrar en Facebook (CIM Mondoñedo e CIM Concello de Mondoñedo), Instagram (@cimmondonedo), Twitter (@CimMondonedo) e Youtube (CIM Mondoñedo). Ese mesmo día 25, ás 20:00 horas soarán as campás da catedral en recordo das vítimas de violencia de xénero deste ano 2020. Para evitar as aglomeracións, tamén será retransmitido en directo a través das redes sociais.
Ademais, durante esta semana recolleranse as mensaxes contra a violencia de xénero que a poboación nos queira deixar tanto a través das redes sociais como do correo electrón ico cimmondonedo@yahoo.es Estas mensaxes serán publicadas nas redes do CIM coas etiquetas #MondoñedodiNON e #25N2020
Desde este medio animamos a toda a xente a que participe e comparta as actividades conmemorativas deste ano para que o noso berro contra a violencia de xénero chegue a todos os lugares posibles.
Na provincia segue baixando o número de casos, 25 menos nas últimas 24h. Son arestora 1060. Destes, 6 están en UCI (no HULA), 30 en hospitalización (7 no Hospital da Mariña, 4 no Hospital de Monforte e 19 no HULA) e o resto en domicilio.
Celebrarase ás 18 h na Sala Bahía o vindeiro 12 de decembro, un ano máis organizada polo Grupo Teatral "O Centiño" quen representará a súa nova obra "Vaia faena, a corentena". No descanso, o humor chegará con Noé Recalde e "24 h sen taberna". Reserva de entradas no 677 435 148.
A campaña de voluntariado de limpeza e acondicionamento de espazos públicos que ten como obxectivo poñer en valor as boas prácticas individuais no noso día a día no coidado e protección da contorna ten unha nova acción de voluntariado de recollida de lixo este venres, 27 de novembro ás 13:00 horas. Punto de encontro: CEIP Península da Paz. Inscricións no whatsapp 683 31 59 39. O Concello subministrará todo o material necesario para poder realizar a acción voluntaria; mantendo e respectando sempre todas as medidas de prevención fronte ao COVID-19
Esta actividade está englobada dentro da programación da Semana Europea da Prevención de Residuos, que tivo lugar do 16 ao 24 de novembro. "Nesta charla os rapaces aprenden o importante que é aplicar no noso día a regra dos 3R: reducir, reutilizar e reciclar, e reducir así o lixo que xeramos", explican desde Gaia. Durante toda esta semana e o luns da que ven Gaia tamén traballa sobre a redución de residuos con infantil do mesmo CEIP. Neste caso facendo manualidades reutilizando cartón, facendo coroas de Nadal utilizando cartón de caixas usadas tamén para decoralas.
Repartíronse máscaras e lazos morados, cor símbolo desta loita, e chapas con diferentes lemas en contra desta lacra e en apoio de todas esas mulleres que a padecen ou padeceron: "Cervo non tolera a violencia de xénero". "Non é querer moito, é querer ben". "se o amor aperta non é da túa talla". Ás 12:00 horas gardouse un minuto de silencio por todas as vítimas. Ademais, durante toda esta semana diferentes edificios públicos (Casa do Concello, Casa da Cultura, Ruínas das fábricas de Salgadura, Escolas Vellas de Cervo e a fonte do parque Reina Sofía) permanecen iluminados de morado, cor que simboliza a loita contra esta lacra.
No Día Internacional contra a violencia á muller, deuse lectura a un manifesto.