Ribadeo, 9 de xullo de 2025. Acisa destaca o esforzo económico que realiza no marco da coorganizacion do Ribadeo Indiano, investindo máis de 45.000 euros neste décimo aniversario que esta a piques de comezar. A vila vístese estes días de branca para gozar dunha cita, que se desenvolverá do 11 ao 13 de xullo.
A presidenta de Acisa, Carmen Cruzado, explicou que “as rúas, prazas, rotondas xa están decoradas, aparcamentos a punto, escenarios a piques de estar listos… o X Ribadeo Indiano xa esta aquí. Este ano 2025 con motivo da celebración do décimo aniversario, e grazas as axudas obtidas, Acisa Ribadeo fai un esforzo sen precedentes e inviste unha cantidade récord, duplicando o presuposto dedicado ao Ribadeo Indiano, máis do dobre doutras edicións e sendo a actividade á que mais recursos destinamos, con arredor de 45.000 euros. O esforzo ben merece a pena, porque estamos ante da fin de semana máis agardada para todo o tecido empresarial ribadense”.
O xerente de Acisa, Jesús Pérez, subliñou que “esta enorme inversión de 45.000 euros aproximadamente, supón arredor do 35 % do presuposto de Acisa para realizar actividades durante todo o ano, o que reflexa o enorme compromiso da nosa entidade co evento. E podemos facela grazas en primeiro lugar aos fondos propios de Acisa, é dicir ás cotas dos nosos socios e aos patrocinios privados que xestionamos, á subvención da Vicepresidencia da Deputación de Lugo, concretamente á Área de Cultura e tamén á Dirección Xeral de Comercio da Xunta de Galicia. Con estes mais de 45.000 euros, Acisa Ribadeo aporta ao Ribadeo Indiano boa parte da súa esencia, concretamente 15.000 vasos conmemorativos, 14.000 bolsas de comercio, o sorteo da viaxe a México con 160.000 rifas repartidas entre os 170 negocios asociados, actuacións musicais, actividades de ocio infantil e xuvenil, os mais de 20.000 metros de decoración e 1.000 faroliños tanto de rúas como de negocios e a súa instalación así como publicidade e promoción do evento”.
E engadiu que “esta inversión que fai Acisa esta máis que xustificada, xa que con datos do pasado ano, o Ribadeo Indiano xerou entre 3 e 4 millóns de euros de facturación en todo o tecido empresarial local, sen contar a repercusión na contorna, que tamén a ten, e estimase que atraeu a uns 60.000 visitantes en tres días a Ribadeo”.
Cruzado Iglesias subliñou que “para Acisa Ribadeo é un esforzo económico enorme poder aportar estas contía, pero entendemos que é importante facelo xa que se trata do evento mais singular que ten a nosa vila e que repercute de maneira moi positiva na economía de todo o tecido empresarial local. E por iso tamén debemos de agradecer ás entidades públicas e privadas que confían en nos para xestionar as súas colaboracións económicas. Desde Acisa Ribadeo estamos moi satisfeitos do traballo realizado e da enorme achega que facemos nesta edición, agora chega o momento do comercio, dos bares, dos restaurantes, dos hoteis…. queremos facer un chamamento a que decoren os seus establecementos para a ocasión, que empreguen a decoración facilitada por Acisa para decorar, bares, terrazas, escaparates… que se animen a facer decoracións florais que recrean unhas estampas inigualables, e por suposto animalos a caracterizarse como ribadenses de finais do século XIX ou principios do XX, como auténticos indianos. E como non, animar a veciños e visitantes a pedir as rifas para o sorteo da viaxe a México, nos establecementos asociados a Acisa, ou a facerse cun vaso ou bolsa de recordo conmemorativo do Ribadeo Indiano”.
Pérez Prada manifestou: “nestes días somos moitas as persoas que estamos a traballar a reo para esta nova edición do Ribadeo Indiano, e dende aquí agradecemos a implicación de todas as persoas que dun xeito ou de outro, traballan para sacalo a diante. Dende os empregados municipais, os empregados de Acisa, as empresas contratadas, as persoas que dende o anonimato a nivel persoal colaboran, as asociacións, … e nunha data como esta, nun décimo aniversario, é de xustiza recordar e recoñecer a labor daquelas persoas, que puxeron a andar e traballaron durante anos para que o Ribadeo Indiano sexa o que hoxe é, dende os responsables políticos e de Acisa daquel momento, así coma os técnicos municipais, e todas as que foron pasando ano tras ano”.
Presidenta e xerente conclúen: “desde Acisa Ribadeo, queremos desexarlles a todos os veciños e visitantes un feliz Ribadeo Indiano e a todos os empresarios locais un moi próspero décimo aniversario deste importante evento histórico cultural”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
