BURELA .- Mañá xoves ás oito e media da tarde na Sala de Conferencias (antiga biblioteca) terá lugar a presentación oficial do novo curso da Escola Municipal de Música de Burela.
Este ano, coma novidades, destacan segundo a concelleira de Educación, Lucía Bouza, “o estudo de gaita que poderán realizar todos aqueles que estean interesados en achegarse a este instrumento. Trátase dunha das principais novidades deste curso 2008-2009, xunto coa ampliación dos horarios de piano debido á ampla demanda que hai e por iso nos vimos obrigados a contratar a outro profesor máis. É algo que nos satisface moito xa que amosa que a Escola está a funcionar porque os servizos en lugar de diminuír van en aumento”.
Bouza lembra que “a matrícula está aberta ata finais de mes. Formalízase na propia Escola de Música, pero os folletos poden recollerse tanto na biblioteca coma no propio Concello. E outra das novidades deste ano é que ampliamos de 2 a 4 os prazos para realizar o pago desas matrículas ás familias que o necesiten”.
A concelleira de Educación engade que “cada ano imos ter a matrícula de valde dun instrumento. Este ano tócalle ao oboe e tamén terán a matrícula gratis os rapaces que toquen na Banda Municipal. Quero convidar a todos os amantes da música que queiran entrar na Escola Municipal a que acudan mañá a esa presentación oficial do curso que faremos a partires das oito e media da tarde na Sala de Conferencias”.
ÚLTIMA HORA
- Hugo Díaz gaña o I Concurso de Pesca Xuvenil de Burela con 47 capturas
- A Presidenta da Deputación de Lugo, Carmela López, participou na última xornada da XXXIV Festa da Malla de Meira, que reuniu milleiros de persoas e está recoñecida como Festa de Interese Turístico de Galicia
- Desde o Concello de Ribadeo agradecen ás Vacas Fracas a organización da Cedofestiña: evento que este ano estivo dedicado ás artes plásticas, cun mural colectivo, exposicións e un concurso de pintura, sen deixar de lado a música e outros obradoiros”
- Arde o salón dunha vivenda en Ribadeo por culpa dunha manta eléctrica
- A Presidenta da Deputación de Lugo, Carmela López, participou na última xornada da XXXIV Festa da Malla de Meira, que reuniu milleiros de persoas e está recoñecida como Festa de Interese Turístico de Galicia
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos. - Desde o Concello de Ribadeo agradecen ás Vacas Fracas a organización da Cedofestiña: evento que este ano estivo dedicado ás artes plásticas, cun mural colectivo, exposicións e un concurso de pintura, sen deixar de lado a música e outros obradoiros”
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas. - María Palmira Martínez Rouco celebrou en Sumoas, no concello de Xove, o seu 100 aniversario acompañada pola súa familia
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos. - Preto dunha vintena de comercios asociados a Acisa Ribadeo participaron ata este domingo, nunha nova edición do Comercio na Rúa
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia. - A Feira do Libro de Foz acollerá este domingo 23 de agosto de 2026, ás 20:00 horas na Praza de Conde Fontao, a presentación do libro 'Eu voun navegar (Relatos dunha noite de verán)', escrito por Farruco Graña e ilustrado por Mon Lendoiro
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz. - O delegado territorial da Xunta en Lugo, Alfonso Villares, participou este martes en Ribadeo nos actos conmemorativos do centenario do nacemento de Leopoldo Calvo-Sotelo, organizados polo Concello ao longo deste ano para lembrar a figura do que foi presidente do Goberno e a súa especial vinculación coa vila mariñá
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas. - O pasado venres, 14 de agosto, presentouse no Local Social da Praza Concepción Arenal de Ferreira do Valadouro o libro 'Espiritualidad', coordinado e redactado por Pepe Peinó e no que colaboran outros sete autores de distintas correntes espirituais
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
2021 Crónica 3 A Mariña - Implementado por GaliciaDigital