NOTA DE PRENSA
Todas os grupos políticos locais, asociacións veciñais e sindicatos coinciden na importancia de dispoñer desta nova unidade xudicial. A Xunta continúa a facer oídos xordos desta petición
CONFIRMADO: RIBADEO NON DISPORÁ DO NOVO XULGADO DE PRIMEIRA INSTANCIA E INSTRUCIÓN
* A Comisión Mixta Xunta-TSXG acordou a distribución das novas unidades xudiciais en Galicia, entre elas, non se atopa a de Ribadeo.
* As promesas do Conselleiro de Presidencia, o socialista Méndez Romeu, quedan desmentidas polos feitos: non haberá novo xulgado na Mariña oriental.
A Mariña, 21 de outubro de 2008.- No día de onte o conselleiro de Presidencia, o socialista José Luís Méndez Romeu, anunciou a distribución das 9 unidades xudiciais que entrarán en servizo no ano 2009 en Galicia. Entre elas non está o demandado xulgado de instrución e primeira instancia de Ribadeo tal e como adiantou a directora xeral de Xustiza no Parlamento de Galicia cando compareceu a petición do PPdeG.
A Comisión Mixta de Xustiza, integrada por representantes da Xunta de Galicia o do máximo órgano xudicial da nosa comunidade autónoma o TSXG, acordou propoñer un xulgado mercantil e un xulgado do social para Coruña, un xulgado de primeira instancia especializado en familia en Vigo, dous xulgados de primeira instancia situados en Ferrol e en Lugo e un xulgado mixto para Tui. “Unha vez máis o Goberno bipartito esquece á Mariña, e ás súas reclamacións máis salientables”
En 1967, con motivo da modificación da planta e demarcación xudicial que naquel ano levouse a efecto, procedeuse á supresión do Xulgado de Primeira Instancia e Instrución de Ribadeo. Transcorridos máis de dous decenios desde esa data, nin a nova Lei de Planta e Demarcación Xudicial de 1988, nin as posteriores modificacións que respecto de tan importante materia realizáronse ao longo destes anos, deron lugar a revisión e reconsideración daquela pretérita medida que supuxo a supresión deste servizo.
O Partido Popular de Galicia impulsou, durante a presente lexislatura múltiples iniciativas destinadas á recuperación do xulgado. En todas as ocasións, contou coa oposición explícita do bipartito. Nacionalistas e socialistas frustraron a posibilidade de conquerir este novo servizo.
PARTIDO POPULAR DA MARIÑA
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
