Presentase sábado a decimo terceira edición da Festa da Marosa. O acto será as doce e media da mañá na Casa da Cultura de Burela e ao acto asistirá o delegado da Área de Cultura da Deputación de Lugo, Antonio Veiga
ÚLTIMA HORA
- O BNG recolleu sinaturas en Xove onde os veciños amosaron a súa preocupación e malestar pola situación da atención primaria
- O PP insta a Tomé a renovar o convenio da Deputación coa Xunta para os GES, co incremento económico necesario para garantir o mellor servizo aos lucenses
- Acisa prepara a quinta edición das xornadas gastronómicas Asturias en Ribadeo, que terán lugar do 21 ao 23 de outubro
- Rematado o Torneo de Pádel Concello de Cervo
- A Escola Municipal de Música de Burela, comeza este novo curso con actividades
O pasado xoves visitaba os centros escolares da localidade para ofrecer sendos concertos didácticos ao alumnado burelés. O primeiro concerto foi ofrecido ás 11.00h no CEIP Virxe do Carme, e ás 12.15h no CEIP Vista Alegre, ambos para os alumnos de infantil e primaria. Ambos concertos foron didácticos e neles amosáronse os instrumentos da familia de vento madeira coma o saxofón, a frauta e o clarinete, instrumentos de vento metal coma a trompeta e o trombón e tamén outras familias coma a de percusión e a corda punteada (guitarra). Este concerto foi ofrecido polos profesores que imparten clase na escola municipal de música de Burela. - A Policía Nacional detivo en Viveiro á autora dun delito de tráfico de drogas
Tendo coñecemento da existencia dun posible punto de venda de substancias estupefacientes na localidade, iníciouse por parte desta Comisaria un dispositivo de vixilancia e control no lugar, que daba os seus froitos o pasado día 3 de setembro na Avenida de Lourdes, cando se procedía á detención dunha muller por un delito contra a saúde pública. A detida de de 52 anos de idade e con antecedentes previos, portaba cocaína e heroína entre a súa roupa, en doses preparadas para a súa venda. Ao día seguinte da súa detención foi posta a disposición xudicial. - Elaboración das Estratexias de Desenvolvemento Local Participativo do Galp Mariña - Ortegal
O Grupo de Acción Local do Sector Pesqueiro A Mariña-Ortegal celebrou este mércores 21 de setembro na Confraría de Pescadores de Celeiro a Asemblea Xeral Extraordinaria na cal se aprobou a Estratexia de Desenvolvemento Local Participativo para o período de programación 2023-2027 do Fondo Europeo Marítimo, da Pesca e da Acuicultura (FEMPA9, culminando con esta fase final, tras catro meses de traballo, o proceso de elaboración da estratexia no cal se destaca a elevada participaron da cidadanía nas reunións celebradas, tanto na elaboración de diagnose como nas propostas de liñas de actuación e definición de obxectivos específicos. - Dr. Queen en Burela
O 8 de Outubro no auditorio dá Casa aá Cultura, Dr. Queen levará a cabo o espectáculo "Freddie por sempre", o mellor tributo a Queen de todos os tempos, no que se renderá homenaxe desde o máis absoluto respecto e adoración cara a Freddie Mercury e a súa banda, Queen. 2 horas nas que farán un completo repaso á súa historia e vida a través das súas cancións. - Centenario do Círculo Habanero da Devesa
Incluiu unha homenaxe aos seus membros máis senlleiros. Acudiron o Alcalde, Fernando Suárez, e as concelleiras de obras, Mónica Freire, e de Cultura, Pilar Otero. - A Sociedade Cultural Ledicia retoma o ritmo habitual da escola de baile e música tradicional
A sección infantil da escola participou este venres na Semana da Mobilidade que promove o Concello de Burela, realizando un ensaio aberto na Praza da Mariña. As clases de gaita e percusión comezarán a primeiros de outubro; as persoas interesadas en participar en calquera das modalidades (baile, canto, pandereta, percusión e/ ou gaita) poden contactar a través do mail lediciascr@gmail.com ou nos teléfonos 696 22 33 04 (Idara) 666955578 (Sonnia) ou 667502767 (Sofia). Tamén no mes de outubro agárdase reiniciar os cursos de bordado e encaixe de bolillos, máis info no 616995097 (Rocío) - Tras o inicio do curso escolar, volven as Escolas Deportivas Municipais de Foz, cunha oferta ampla de luns a venres
Despois de dous anos con medidas de prevención da Covid19 que nos obrigaron a reinventar algunhas actividades, este novo curso iniciarase sen restricións, e con novos folgos. Ás actividades que tanto éxito teñen ano tras ano como patinaxe artístico, ximnasia rítmica, coreodance, multideporte, tenis, cerámica ou teatro, únense o xadrez e o kickboxing. Eloy iniciará a nenos e nenas no mundo do xadrez e para a disciplina de kicboxing contaremos coa nosa subcampioa de España Vanesa Ares.
2021 Crónica 3 A Mariña - Implementado por GaliciaDigital