Ribadeo, 21 de setembro de 2026. Satisfacción en Ribadeo tras a aprobación no Consello da Xunta do novo convenio para proceder á rehabilitación de Casa Maseda, que acollerá a nova oficina de turismo e un punto de atención ao peregrino.
O alcalde, Dani Vega, subliñou que “é unha moi boa noticia para Ribadeo, hoxe que se aprobou no Consello da Xunta o novo convenio para rehabilitar Casa Maseda, un edificio que está no casco histórico completamente abandonado, así estivo moitísimos anos e desde logo nosoutros cando chegamos ao goberno dixemos que había que facer algo, había que analizar qué utilidade e de onde íamos sacar os recursos”.
O rexedor indicou que “despois de facer todo isto, o que nos puxemos é no orzamento do 2025, antes non puidemos, para aprobar esa cantidade e así expropiar o edificio. Despois xestionar o que vén sendo toda a rehabilitación do inmoble. Iso fixémolo e xestionando e explicando este proxecto á Xunta de Galicia concretamos o 100 % da financiamento. É dicir non soamente a obra senón tamén a compra do edificio fináncianolo todo a Xunta. Son 880.000 euros para contar cun edificio que teña un destino moi claro: a nova oficina de turismo e o punto da atención ao peregrino, un edificio que está estratexicamente ubicado no casco histórico, no pleno centro de Ribadeo, parécenos interesantísimo que estea aí a oficina de turismo, que estea aí o punto de atención ao peregrino, e desde logo é unha moi boa noticia que pasemos de ter un edificio abandonado a telo rehabilitado e cun uso moi concreto”.
Vega engadiu: “é unha moi boa noticia, outro novo convenio que adquire Ribadeo, despois dunha xestión, despois de estar traballando permanentemente no que interesa, no que importa, que é que Ribadeo avance e cómo avanza é xestionando e neste caso son 880.000 euros para ter un edificio cun destino claro: a nova oficina de turismo e tamén o punto de atención ao peregrino”. O rexedor ribadense tivo palabras de agradecemento para a Xunta de Galicia por esta importante axuda.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
