NOTA DE PRENSA
O BNG DEFENDERÁ EN EUROPA UNHA POLÍTICA PESQUEIRA QUE GARANTA OS INTERESES DE GALIZA
Cosme Pombo, candidato nacionalista ao Parlamento Europeo pola provincia de Lugo, asegurou que “o BNG concorre a estas eleccións para defender as potencialidades da nación galega tan manifestas como o sector pesqueiro” fronte a decisións que prexudicaron a pesca galega
Foz, 04 de xuño. O candidato do BNG ao Parlamento Europeo pola provincia de Lugo, Cosme Pombo, afirmou no mitin celebrado esta tarde na sala Bahía, en Foz, que o Bloque Nacionalista Galego concorre a estas eleccións europeas como a única forza política que garantirá que as decisións importantes para Galiza, como as referidas á pesca, un sector defenestrado desde as institucións europeas e clave ao mesmo tempo para o desenvolvemento económico da costa galega, se tomen tendo en conta os intereses dos galegos e galegas. Xunto a Cosme Pombo, candidato do BNG ao Parlamento Europeo por Lugo, interviron no mitin Francisco Rodríguez, ex-portavoz do BNG no Congreso dos Deputados, e Xoan Carlos Basanta, voceiro do BNG no Concello de Foz.
Cosme Pombo, candidato nacionalista pola provincia de Lugo ao Parlamento Europeo, fixo fincapé no novo escenario que se abre coa reforma da Política Pesqueira Común, no que “é decisivo contar coa presencia dunha voz galega en Europa para que non ser repita o que aconteceu coa política pesqueira que se aprobou fai 23 anos, o que trouxo para Galiza gravísimas consecuencias”, freando as súas posibilidades de desenvolvemento e xeración de riqueza, e que provocou que Galiza fose o territorio europeo que perdeu máis flota e postos de traballo no mar nese período. Na mesma liña, Cosme Pombo, diante da perspectiva da reforma da Política Pesqueira Común, asegurou que “o BNG reclamará o estabelecemento dun novo status institucional para Galiza na UE en materia pesqueira, recoñecendo formalmente o seu carácter como “Zona Altamente Dependente da Pesca”, posibilitando a súa presencia, con dereito de decisión e obxección, nas institucións comunitarias onde se adoptan decisións en materia pesqueira”. Para o candidato nacionalista “é imprescindíbel que sobre o que afecta a Galiza poidan decidir os galegos e galegas, algo que só garante un BNG con representación en Europa”.
Para o candidato do BNG ao Parlamento Europeo, outro dos obxectivos a defender a prol dos intereses de Galiza é que se faga un escrupuloso control das importacións, especialmente ante as prácticas de “dumping” e competencia desleal cos produtos pesqueiros e marisqueiros galegos, co obxectivo de acadar a estabilidade de prezos e o recoñecemento da calidade do produto galego. Cosme Pombo insistiu en que cómpre unha presenza do BNG en Bruxelas para defender os intereses de Galiza. A Unión europea debe porse ao servizo de mellorar o entramado económico dos diversos territorios, non afanarse en destruir sectores produtivos básicos para as economías das nacións europeas nin adoptar unha política de “deixar facer”, de “liberalizar” a favor de grandes transnacionais e corporacións económicas.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
