NOTA DE PRENSA
José Manuel Balseiro razoa a idoneidade de ditos proxectos en base a aspectos ambientais, económicos e sociais
O GRUPO POPULAR APOIA OS PLANS DE ADAPTACIÓN DA FLOTA QUE NAZAN A PROPOSTA E CO CONSENSO DO SECTOR
* “Temos unha verdadeira oportunidade de reestruturar a flota con cartos procedentes da Unión Europea que asumiria o 95% do gasto total”.
Santiago, 04 de xuño de 2009.- O voceiro do Mar do Grupo Parlamentario Popular, Jose Manuel Balseiro Orol, explicou no seo da Comisión de Pesca celebrada na mañá de hoxe no Parlamento de Galicia que a súa formación política apoiará os plans de adaptación da flota sempre que nazan a proposta ou en consenso co sector pesqueiro.
O deputado popular explicou que estes plans contribuirán á adaptación da nosa flota a criterios de índole ambiental, económico ou social. No aspecto ambiental subliñaron que un menor esforzo pesqueiro permitirá aumentar a capacidade de regulación dos caladoiros e a das embarcacións. Desde o punto de vista económico permitirase a eliminación de unidades non rendibles ou pouco competitivas, nun sector que tras a mala xestión dos anteriores responsables autonómicos de Pesca deixaron á beira da ruína. Finalmente, os plans de adaptación da flota, desde o punto de vista social, permitirán o abandono da actividade dunha maneira digna e con axudas económicas a armadores e tripulantes.
“Temos unha verdadeira oportunidade de reestructurar a flota” –explicou o voceiro popular- “cuns cartos adiantados (aprox. 45 M€) que se ían perder se non se xestionase correctamente, algo que con vostedes no Goberno era case seguro e cun custo mínimo para Galicia e España, xa que a UE asume o 95% do gasto”.
Balseiro Orol clarexou tamén que estes plans non terán unha incidencia real respecto da destrucción do emprego xa que veñen a garantir a supervivencia das empresas que doutro xeito están condenadas á quebra “Isto si implicaría un custe inaceptable en materia de postos de traballo que debemos evitar”. A maiores, tamén recalcou que non se está a dicir a verdade, xa que a flota obxecto de reestruturación é exclusivamente de antigüidade maior a 10 anos.
Segundo o PPdeG, os nacionalistas coa súa oposición ao desenvolvemento deste tipo de plans “viven ancarados ao pasado e alleos ás necesidades do sector”. Todo iso pese a que desde a Xunta, cando eles cogobernaban, destinaron inxentes cantidades de recursos propios para os desguaces mentres que agora existe a posibilidade de que estes gastos poidan asumirse desde Europa e decidirse desde Santiago.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
