RIBADEO (FNC) .- ACISA e o Centro Comercial Aberto de Ribadeo móstranse indignados coas previsións do tempo que dan a diario as cadeas de televisión estatal “porque sempre nos colocan unha nube encima que nos está facendo un dano tremendo”. Hostaleiros e comerciantes lamentan esta situación “xa que nos inflúe negativamente nas reservas que se poidan facer estes días e como consecuencia tamén nas vendas e non están os tempos como para permitirse estes luxos”.
ACISA e CCA din estar fartos “dunha situación que se repite ano tras ano, parece que o bo tempo só está no sur, no Levante e nas illas. Hai que dicirlles aos que elaboran esas previsións que en Ribadeo e na costa de Lugo tamén temos días de sol e de calor como puideron comprobar os que xa iniciaron as súas vacacións connosco ao longo desta semana. As temperaturas son máis suaves que noutras zonas de España, pero temos praias preciosas, unha gastronomía exquisita e a hostalería está desexando atender como se merece a quen elixen este municipio e esta comarca para pasar as súas vacacións”.
Comerciantes e hostaleiros piden “o mesmo trato para o norte que o que reciben outras zonas de España. Estes días estamos vendo conexións en directo sobre a calor bochornosa que están sufrindo algúns puntos do país e o martes en Ribadeo á sombra chegamos aos 27 graos de temperatura e ao sol os termómetros superaron os 30. Esa información tamén é noticia non”. As zonas turísticas queremos traballar, pero hai que recordar que o noso forte é o verán e queremos que conten a verdade sobre o tempo. As previsións que nós manexamos fannos pensar en que teremos un bo fin de semana, sen choiva”.
Desde ACISA e CCA enviarán unha carta ás televisións para facerlles chegar as súas queixas e informais do descontento existente entre o sector.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
