Burela, 25 de agosto, 2026. Cinco anos despois de iniciar a súa etapa na Selección Galega Sub-16, Jairo Campo pecha un ciclo clave no Burela FS, onde asumiu a coordinación da base feminina e contribuíu a construír un proxecto que hoxe é referente na Mariña. A súa chegada ao club coincidiu cun reto ambicioso: crear unha estrutura sólida para o fútbol sala feminino desde as categorías máis temperás.
Na primeira tempada competiron cadete e xuvenil, ademais de grupos de menor idade que comezaron con amigables. A partir dese punto, o proxecto medrou ata contar con equipos en todas as categorías, incluído o filial. Hoxe, a Escola Imdecum Burela FS reúne entre 70 e 80 nenas, consolidando unha das bases femininas máis fortes de Galicia.
Para Jairo, este ciclo deixa unha pegada fonda: “A base é o tesouro máis grande que pode ter un club. Moitas das nenas que comezaron en cadete chegaron a cumprir un soño: xogar en Primeira División a tempada pasada. Iria, Esther ou Claudia son exemplo desa primeira pedra, nenas que empezaron en prebenxamín e que hoxe inspiran ás demais”.
O coordinador destaca que o valor humano é o motor da escola: “Somos moita e boa xente remando no día a día. As familias son empáticas, nós somos próximos, e ese valor humano é a nosa identidade”.
Formación deportiva e humana
O obxectivo da escola é claro: formar nenas tanto no ámbito deportivo como no humano. Campo subliña que cada xogadora pode escoller o seu camiño, desde as que buscan gozar do deporte ata aquelas que perseguen metas competitivas: “Queremos que medren con valores, actitude e comportamento, ademais da parte técnico-táctica”.
A evolución foi notable: de competir contra equipos masculinos a disputar un Campionato de España Xuvenil e estrearse en Primeira División. Ademais, varias xogadoras foron convocadas polas seleccións galegas e outras terán oportunidades en Segunda División.
Un novo ciclo para 2026-27
Na tempada 2026-27, a escola contará de novo con todas as categorías femininas, desde Benxamín ata Xuvenil, ademais do Filial.
“Péchase un ciclo de cinco anos e ábrese outro para seguir potenciando ás nenas da Mariña, desde Mondoñedo ao Vicedo”, explica Jairo.
O coordinador anima ás familias a achegarse sen presión: “Somos o único club con base feminina na Mariña. As nenas poden vir probar sen compromiso. Se lles gusta xogar á pelota, aquí estaremos. O importante é xogar e disfrutar”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
