Burela, 31 de agosto, 2026. O delegado territorial da Xunta en Lugo, Alfonso Villares, a deputada de Cultura da Deputación de Lugo, Iria Castro, e a alcaldesa de Burela e presidenta da Deputación, Carmela López, participaron na presentación oficial do festival Osa do Mar 2026, que se celebrará do 3 ao 6 de setembro e reunirá unha vintena de artistas e bandas galegas e estatais. O acto tivo lugar na nave de Produart, acompañado polos representantes da Asociación Fanto Fantini, Diego Campo e Marcos Gueimunde, entidade organizadora do evento.
Recoñecemento ao festival e ao tecido asociativo
Carmela López subliñou que o Osa do Mar “é xa unha cita consolidada no noso calendario” e agradeceu á Asociación Cultural Fanto Fantini “o esforzo e a dedicación que cada ano fan posible un evento coma este, que contribúe a dinamizar Burela, atraer visitantes e impulsar a música en directo”.
Pola súa banda, Iria Castro reafirmou o compromiso da Vicepresidencia da Deputación cos festivais que nacen do tecido asociativo, destacando que “ofrecen escenarios para bandas galegas e emerxentes, claves na puxanza e recoñecemento actual da música do país”.
Apoio institucional e aposta pola cultura galega
Villares salientou o patrocinio da Xunta de Galicia a través dos Concertos do Xacobeo, e definiu o Osa do Mar como “un festival próximo ao público, cunha forte presenza de artistas galegos e un claro impacto na dinamización cultural e económica de Burela”. Enmarcou este apoio na estratexia autonómica de “descentralizar a cultura e amplificar os espazos de exhibición do talento que hai en Galicia”.
Un cartel con vinte propostas musicais
A organización debullou o programa por días, que inclúe artistas e bandas como Fillas de Cassandra, The Rapants, Anxo Ferreira, Depedro, Erik Mackenzie, Grande Osso, Arume, Éxtasis, Kornukopia vs Pandeireteiros do Inferno, Ginebras, West SRK, Xosé Maseda, Juventude, La Milagrosa, Gara Durán, Sobrezero, Rata, Ortiga, Portosanto e Señora DJ.
Un festival xa consolidado na Mariña
Tanto a Xunta como a Deputación coincidiron en salientar que o Osa do Mar é hoxe unha cita consolidada no calendario musical galego, unha oportunidade para reforzar a cultura contemporánea, apoiar o talento local e dinamizar a vida social e económica de Burela durante catro días de programación.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
