SAN CIBRAO .- O Museo do Mar de San Cibrao foi o marco elixido polo delegado de Cultura da Deputación, Antonio Veiga, para recoñecer o traballo á violinista, e “músico máis destacada da Escola Superior de Música Reina Sofía”, Nazaret Canosa. Antonio Veiga agasallou a xove violinista cunha “reprodución artesanal dunha zanfona, instrumento que malia non ser clásico representa unha tradición musical herdada do país galego”.
Nota de Prensa
ANTONIO VEIGA RECIBIU NO MUSEO DO MAR DE SAN CIBRAO A NAZARET CANOSA, ALUMNA MÁIS DESTACADA DA ESCOLA SUPERIOR DE MÚSICA REINA SOFÍA
O delegado de Cultura da Deputación, Antonio Veiga, recibiu a esta moza xovense, afincada en Madrid polos seus estudos musicais, no Museo do Mar de San Cibrao, na primeira recepción oficial da Deputación que se traslada a este espazo museístico
LUGO, 12 de agosto de 2009. Esta mañá o delegado de Cultura da Deputación, o nacionalista Antonio Veiga, recibiu de xeito oficial no Museo do Mar de San Cibrao á violinista e músico máis destacada da Escola Superior de Música Reina Sofía, Nazaret Canosa. No acto de recepción, que é o primeiro que a Vicepresidencia da Deputación de Lugo celebra no Museo do Mar, Antonio Veiga entregoulle á violinista xovense un pequeno agasallo, que consistiu nunha reprodución artesanal dunha zanfona, instrumento que malia non ser clásico representa unha tradición musical herdada do país galego.
Antonio Veiga estendeu a Nazaret Canosa os máis sinceros parabéns desde a Área de Cultura da Deputación, xa que “coa súa traxectoria representa un modelo para os máis novos afeccionados á música, demostrando que desde A Mariña tamén saen intérpretes que chegan ao máis alto nos seus estudos musicais”. Ao mesmo tempo, o delegado de Cultura da Deputación lembrou que en toda a comarca da Mariña estase a facer un intenso traballo de cara a que a educación musical sexa un firme complemento á educación obrigatoria, tomando como exemplo as numerosas escolas da música que existen por todos os concellos mariñaos. Antonio Veiga quixo agradecer a Nazaret Canosa o seu xesto de cara á Deputación, ao achegarse a un espazo como o Museo do Mar para compartir con todos e todas as lucenses os seus logros particulares, que de seguro servirán para motivar á mocidade na procura dos mellores resultados nos seus estudos musicais.
Nazaret Canosa, pola súa banda, dedicou unhas palabras de agradecemento á Área de Cultura da Deputación, na persoa do seu delegado Antonio Veiga, por haber celebrado este acto de recepción, dado que non son moi habituais este tipo de recoñecementos de institucións. Con modestia, Nazaret Canosa lembrou que toda a Mariña, e en especial Xove, eríxese como unha canteira a nivel galego que vai forxando sempre os mellores músicos novos de Galiza.
Nazaret Canosa, nada en 1983, ingresou con tan só dez anos na Orquestra de Cámara de Xove. Continuou a súa formación da man de Gregori Nedobora, violín principal da Real Filarmonía de Galicia e no 2001 ingresou na Escola de Altos Estudos Musicais de Galiza, en Santiago de Compostela. Ao ano seguinte, seguindo coa súa progresión, incorporouse á “Joven Orquesta de España” e no 2006 finalizou con sobresaliente os estudos no Conservatorio Superior de Música de Vigo. Na actualidade atópase na Escola Superior de Música Reina Sofía, en Madrid, na que no pasado curso foi nomeada a alumna máis brillante, mención que cada ano se lle outorga ao músico máis destacado de toda a escola. De mans da Raíña recibiu Nazaret Canosa o seu galardón o pasado ano.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
