Buril organiza o I Encontro Literario de Burela

O Colectivo Cultural Buril organiza o mércores, 26 de agosto,  ás oito da tarde o I Encontro Literario de Burela, que reunirá a afección á creación poética, sen ser escritor profesional. O acto será no primeiro andar da Biblioteca Pública Municipal e contará con Otilia Quiroga, Dolores Vispo, Genucha García entre outras persoas, que recitarán composicións propias ou recollidas por eles. Destacar a recuperación por Genucha García do poema El Eco de Sargadelos, de autor descoñecido, que sabe de memoria desde que na súa infancia llo aprendese o seu avó Vicente.