BURELA (FNC) .- O responsable de Turismo, José González Legazpi fai unha valoración positiva e satisfactoria da II Feira de Antigüedades e Coleccionismo que se celebrou en Burela desde o 14 ao 17 deste mes de agosto. O edil nacionalista asegura que “posibilitou o achegamento de moitas persoas ao noso concello transformando unha vez máis a Burela como referente comarcal dentro dunha fin de semana ateigada de celebracions e festexos na comarca de A Mariña”.
González Legazpi sinala que “si o pasado venres abría esta II Feira de Antigüidades e Coleccionismo de Burela, con vintecinco anticuarios, oito máis que na pasada edición, ao remate da mesma, o luns, as expectativas atopábanse sobradamente cumpridas, xa que logo, o número de visitantes estivo algo por encima do pasado ano, acadándose as cinco mil persoas, e tendo a valoración de negocio un significativo incremento, o que representa un claro afianzamento de cara á consolidación deste certame. Os expositores agradeceron o apoio do Concello de Burela a través da súa Delegación de Industria, Comercio e Turismo”.
José González Legazpi destaca tamén que “este certame proxectou sen dúbida algunha a divulgación do noso concello, en tanto que durante varios días estiveron en Burela persoas de moitos lugares de España e de países de UE, incluso algúns se quedaraon uns días máis para gozar das nosas praias, e da nosa gastronomía principalmente”. O concelleiro de Turismo engade que “ademais o evento tivo ampla relevancia en ámbitos indistintos, como consecuencia diso, e tamén da presenza desta II Feira de Antigüidades e Coleccionismo de Burela no programa A Revista da TVG , que estivo presente no recinto cunha unidade móbil, dando entradas en directo en distintas ocasións do desenvolvemento da feira. En definitiva, a II Feira de Antigüidades e Coleccionismo remata cunha positiva valoración, cumpríndose as expectativas de visitantes e incrementándose notablemente a valorización de negocio e contactos, o que representa un claro afianzamento de cara á consolidación deste certame. Un evento que representa para o noso concello un avance claro e determinante no eido socioeconómico e turístico, e que de seguro motivará a necesidade de análise dunha localización axeitada para un desenvolvemento apropiado de vindeiras edicións”.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
