BURELA (FNC) .- O goberno municipal de Burela presentará no pleno da semana que vén unha moción instando á Xunta de Galicia a continuar co modelo de gratuidade dos libros de texto no ensino obrigatorio impulsado polo anterior executivo. A rexedora en funcións considera que “se tratou dun grande logro social que durante moitos anos viñan reclamando as nosas familias”.
Neves Cando lembra que “o anterior goberno galego conseguiu dar un gran avance cara a consecución dun sistema educativo que cumprise as esixencias de calidade e universalidade pero tamén cara á súa gratuidade como dereito da cidadanía. Se, como di a Constitución Española, o ensino básico é obrigatorio e gratuito, os manuais de texto que o alumnado necesita para seguir o curso tamén deberían selo. E agora o goberno do Partido Popular na Xunta vai recortar este dereito cidadán a un ensino básico, obrigatorio e gratuito e faino cun cinismo total e botándolle a culpa á crise económica e senón miren o que publicou hai uns días o Diario Oficial de Galicia sobre esta orde que regula a gratuidade dos libros de texto para este curso 2009-2010. Di á vista da conxuntura económica actual resulta necesario facer unha reforma do vixente sistema de gratuidade de xeito que se beneficien deste as familias con menos recursos. Neste sentido e en consonancia coa política de austeridade do goberno da Xunta de Galicia, para primeiro, segundo, quinto e sexto de primaria así como para educación especial establécese unha convocatoria de axudas dirixidas ás familias en función da súa renta. Isto é o que di o Diario Oficial de Galicia que tamén publicou o martes esa convocatoria de axudas e isto é o que pretende o PP na Xunta de Galicia cambiar a gratuidade anterior por axudas para a compra de libros de texto. En época de crise económica traslada ás familias os gastos que antes asumía o goberno galego”.
A alcaldesa en funcións engade que “a triste realidade é que a maioría das familias galegas e de Burela tamén, terán que pagar os libros de texto porque segundo a orde que publicaba o Diario Oficial de Galicia, as familias cunha renda de ata 5.400 euros ano e persoa recibirán 180 euros para mercar os libros e os que teñan unha renda entre os 5.400 e os 9.000 euros ano e persoa terán unha axuda de 104 euros. Con exemplos concretos imos ver que só un 25% das nosas familias poderán ter esa axuda, porque simplemente sendo mileurista, e estes días saíron os datos das familias mileuristas, unha familia cun fillo e cobrando 1.000 euros ao mes o pai e 1.000 euros ao mes a nai xa non terá dereito a ninguna axuda porque se pasou das marxes que fixou a Xunta de Galicia”.
Neves Cando explica que “as familias están moi preocupadas e así nolo fan saber tódolos días no Concello, porque con esta nova medida do goberno popular na Xunta de Galicia van ter que asumir nestes momentos difíciles de crise o prezo de máis ou menos 200 euros que de media custan os libros de texto dos seus fillos e fillas, porque iso sí, o anuncio da Consellería fíxose case rematado o curso escolar pasado e é agora cando as familias preparan a volta ao cole e cando se atopan con esta medida de recorte de prestacións. Esta política supón un paso atrás no plano educativo-social e deixa ao máis do 75% das familias galegas sen este programa de gratuidade dos libros de texto”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
