BURELA (FNC) .- A concelleira de Benestar Social, Neves Cando, acusa ao PP de desvergonza política e de burlarse de todos os veciños e veciñas de Burela coa súa política educativa e coas súas críticas ás axudas de 40 euros que percibirá cada neno para a compra de material escolar e deportivo.
A edil nacionalista lembra que “o Concello de Burela, a través das Delegacións de Benestar e Comercio, puxo en marcha no mes de setembro, un ano máis e por terceira vez consecutiva, unhas axudas de 40 euros destinadas ás familias para asumir os gastos derivados do comezo do curso e apoiar tamén ao noso comercio local para que estas compras se fagan aquí en Burela. E isto unha vez máis non lle parece ben ao PP de Burela que non quere axudar ás nosas familias nin ao noso comercio. E cando sacamos á luz as súa hipocresía social denunciando a supresión da gratuidade dos libros de texto que fixo o PP, cando non saben cómo defenderse dunha medida súa que deixou a moitas familias sen axudas, agora é cando atacan aos que sí apoiamos ás familias e ao comercio local, algo que o PP de Burela nunca fixo nin quere que se faga”.
Neves Cando sinala que “neste momento de crise que vivimos é a hora de apoiar ás familias e ao comercio e facémolo con esta pequena axuda de 40 euros a cada neno e nena que merque o seu material escolar e deportivo, roupa ou calzado, para comezar o curso aquí en Burela. O ano pasado foron máis de 1.000 as axudas concedidas e no ano 2007 arredor de 950, o que supuxo en total máis de 70.000 euros de axudas ás nosas familias e de apoio ao comercio local, que viu como esta cantidade e moitos cartos máis se quedaban aquí en Burela e non se ían para fora. E isto ao PP de Burela non lle gusta, está en contra porque di que non é xusto”. A responsable de Benestar Social considera que “dicir iso é burlarse dos veciños e veciñas de Burela, é burlarse esixir un mínimo de renda para acollerse a estas axudas dos 40 euros, cando o PP de Galicia non pon eses límites de renda para as axudas á compra de automóviles ou para a supresión do imposto de trasmisións patrimoniais. Pero para que nos deamos 40 euros ás familias o PP sí que quere poñer límites, pero para comprar un coche ou para as trasmisións patrimoniais que despois sempre benefician ás grandes fortunas… para eso non pon límites”.
Neves Cando engade que “o PP enganou ás familias retirando a gratuidade dos libros de texto e agora quere enganalos cos 40 euros das axudas. E como non está por axudar ás familias agora trata de desviar a atención con cuestións formais de trámites administrativos cando o importante son as axudas, ainda que sexa unha pequena cantidade, para os gastos que as familias teñen que afrontar no comezo do curso. Desvergonza política e burla de todos os veciños e veciñas de Burela, ése e o comportamento do PP que pon en dúbida unhas axudas ás nosas familias cando o seu partido acaba de deixar sen esa gratuidade dos libros de texto a máis do 70% da poboación. Agora que as familias e o comercio necesitan todo o noso apoio o PP de Burela quere sementar dúbidas sobre as nosas actuacións, pero o tempo poñerá a cada un no seu sitio e os veciños e veciñas de Burela saberán quen os apoia e quen está en contra deles”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
