Nota de Prensa
Os populares amosan a súa sorpresa polo ton crítico do PSOE fronte ás contas da Xunta mentres que garda silenzo ante a mínima cantidade de diñeiro que o Goberno socialista da Zapatero prevé investir na nosa comarca
O PP RECOMENDA AOS SOCIALISTAS QUE FAGAN UN CURSO DE REFORZO EN MATEMÁTICAS TRAS CUALIFICAR DE GOLPE PARA A MARIÑA UNS ORZAMENTOS QUE INCREMENTAN O INVESTIMENTO DA XUNTA UN 34,17% RESPECTO AO 2009, ÚLTIMAS CONTAS ELABORADAS POLO BIPARTITO
* O Goberno de Feijoo eleva de 14,9 a 20 millóns de euros o investimento autonómico para obras ou servizos determinados nesta comarca. “Está claro, polo tanto, cal é o compromiso dunha e doutra formación política coa Mariña”
* Nas obras de reforma do Hospital o PP consigna un 50.97% máis ca o PSOE; e no relativo ao corredor, os populares emprazan ao PSOE a que como mínimo adquira o compromiso de investir unha cantidade similar á que achegará a Xunta, esto é, 40 millóns de euros
A Mariña, 26 de outubro de 2009.- O Partido Popular de Lugo recomendou, en palabras do seu presidente Jose Manuel Barreiro aos dirixentes socialistas e, máis en concreto, ao seu número un Manuel Vázquez -que visitou no día de hoxe a localidade de Ribadeo- que realicen un curso avanzado de reforzo en matemáticas. A devandita recomendación xorde despois de que o secretario xeral dos socialistas galegos cualificase de “golpe para A Mariña” a incidencia dos orzamentos da Xunta na nosa comarca para o ano próximo, todo iso pese a que incrementan o investimento real en máis dun 34,17% respecto ao 2009.
O Goberno de Feijóo achega para actuacións, obras e servizos concretos nos distintos concellos da Mariña máis de 20 millóns de euros, unha cifra moi superior aos 14,9 que consignou o Goberno de socialistas e nacionalistas nas últimas contas que deseñaron, as do 2009. Estas cantidades son ademais “totalmente contrastables” pois son resultado da suma exacta das distintas partidas que dun xeito específico aparecen nos orzamentos da Xunta, dentro do capítulo de investimentos reais. As achegas do novo Goberno de Feijoo superarían os 44 millóns de euros, unha cifra moi superior á dos socialistas, se temos en conta o resto das partidas xenéricas territorializadas. “Está claro, polo tanto, cal é o compromiso dunha e outra formación política coa Mariña”
SILENZO SOCIALISTA.- Barreiro amosou tamén a súa sorpresa polo ton excesivamente crítico dos socialistas fronte ao orzamentos da Xunta e, pola contra, o salientable silencio que esta formación política protagoniza con respecto ás contas elaboradas polo Goberno central, “que xa non é que esquezan á Mariña, senón que nin tan sequera existe para o Goberno de Zapatero, dada a irrisoria cantidade de recursos que destinará para esta comarca”
EXEMPLOS CONCRETOS: HOSPITAL E CORREDOR.- Continuando na liña de comparar a actitude dos Gobernos populares cos socialistas o co anterior bipartito, o PP argumenta a súa postura con varios exemplos. Así, a partida para acometer as reformas do hospital, segundo as previsións do plan director, pasa de 681.006 euros, no 2009 co bipartito, a máis dun millón de euros consignados para esta actuación polo PP. Isto é un 50.97% máis con tan só un ano de diferencia.
Con respecto ó corredor, os populares lucenses emprazan aos socialistas a comprometerse públicamente a, como mínimo, garantir o mesmo nivel de investimento nesta infraestrutura que a Xunta de Galicia adquiriu con respecto aos tramos lucenses.
“O PSOE deberá ter a valentía de garantir, de ser posible na voz do seu dirixente Manuel Vázquez, que o Goberno de Zapatero rectificará na súa postura e en vez investir os irrisorios 10.000 euros que tiñan previstos para o tramo estatal do corredor achegar 40 millóns de euros, tal como comprometeu a Xunta, se sumamos aos 5,8 millóns de euros para obras e expropiacións que aparecen consignados nas contas autonómicas do 2010, os 32,3 aos que ascende a adxudicación do primeiro treito lucense do corredor, que a Xunta autorizou o pasado mes de xuño, tras catro anos de sequía e indiferencia por parte da Consellería de Política Territorial que o PSOE xestionaba”, engadiu Barreiro.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
