Nota de Prensa
Empraza ao PSOE a actuar con valentía reclamando ao Ministerio de Fomento, de José Blanco, a creación deste xestor portuario autónomo para A Mariña
BALSEIRO SUBLIÑA O CARÁCTER HISTÓRICO DA POSICIÓN FAVORABLE DE PORTOS DE GALICIA PARA QUE A MARIÑA POIDA CONTAR CUNHA AUTORIDADE PORTUARIA PROPIA
* “Fixo falla que o Partido Popular asumira a responsabilidade de Goberno, para que a administración escoitara e se comprometera a defender esta proposta despois de anos de discriminación, esquecemento e silencio”
* PSOE e BNG votaron repetidamente en contra da creación dunha autoridade portuaria propia para A Mariña, mentres que un Goberno do PP posibilitou que Lugo sexa provincia marítima, paso previo para conseguir este obxectivo.
Santiago, 16 de outubro de 2009.- O voceiro do Mar do Grupo Parlamentario Popular, José Manuel Balseiro Orol, subliñou hoxe a grande importancia e o carácter clave da declaración efectuada desde o Ente público Portos de Galicia, que vén de anunciar a súa boa disposición para a creación dunha autoridade portuaria propia na Mariña lucense de ser esta tamén a determinación do Goberno do Estado.
O deputado popular explicou que esta é a primeira vez na que desde a Xunta se defende a posibilidade de facer realidade esta histórica reivindicación da sociedade da nosa comarca, conscientes de que actuaría en beneficio da Mariña lucense. Deste xeito, o volume económico e productivo derivado do tráfico de mercadorías e servizos nos portos da Mariña redundarían de forma plena na costa lucense. “Fixo falla un cambio de Goberno na Xunta, que o Partido Popular asumira a responsabilidade de Goberno, para que a administración escoitara a nosa proposta e se comprometera a defendela despois de anos de discriminación, esquecemento e silencio”.
COMPETENCIA ESTATAL
En todo caso, agora a “pelota está no tellado do Goberno central” que, como organismo competente neste ámbito, debe decidir, por unha banda, a creación da autoridade portuaria propia para a costa norte de Lugo e, por outra, a determinación dunha coordinación entre os portos da cornixa marítima lucense.
PSOE E BNG VOTARON REPETIDAMENTE EN CONTRA
Balseiro Orol foi moi crítico coa posición mantida ata o momento por socialistas e nacionalistas quen, na pasada lexislatura, votaron repetidamente xa non só en contra da creación dunha autoridade portuaria propia para Lugo, senón incluso mantiveron este mesmo voto negativo, repetidamente, en cantas iniciativas con este obxecto se debateron en distintos ámbitos, entre eles o propio Parlamento de Galicia. Pola contra, explicou o voceiro popular do Mar, foi un Goberno do PP o que posibilitou –en 2002- que Lugo sexa provincia marítima, paso previo para conseguir este obxectivo e para a consolidación deste departamento administrativo no litoral lucense.
De feito, insistiu Balseiro, “só o PP vén mantendo unha actitude coherente neste asunto. Nunca mudou a súa postura favorable a outorgar a posibilidade de que un ente autónomo da Mariña xestione os seus portos. E seguimos nesta mesma liña a diferenza daqueles outros partidos que non son de fiar e cambian de criterio cando están en Madrid, na Mariña ou en Santiago, ou cando están no Goberno ou na oposición” – en referencia a socialistas e nacionalistas-.
RECLAMA VALENTÍA AO PSOE DA MARIÑA
Centrándose no deputado Ismael Rego, reclamoulle valentía e compromiso coa Mariña de tal xeito que sexa capaz de pedirlle ao seu compañeiro de partido, o lucense Jose Blanco, Ministro de Fomento, que sen máis dilación cree a Autoridade Portuaria da Mariña “o PSOE, coa complicidade do BNG sempre sumiso, leva seis anos discriminando A Mariña e privando a esta comarca dos ingresos e investimentos que por dereito nos corresponden, pois son cartos xerados nas dársenas sitas nesta comarca. Chegou o momento de que esto cambie ou pronto acontecerá como en Galicia, que os veciños lles cambiarán a eles”.
Finalmente, Balseiro tamén pediu ao PSOE que apoie ao PPdeG na defensa dos intereses dos portos da Mariña e, moi en concreto, do porto comercial de Ribadeo que está a sufrir a ameza latente de perda de tráficos e de empresas, como consecuencia da competencia do porto de Xixón. “Fomento e, polo tanto o PSOE de Ismael Rego, ten que decidir se a súa prioridade e beneficiar a Xixón, baleirando de servizos ao porto de Ribadeo, ou impulsar a darsena mariñá para que poidan competir en igualdade de oportunidades”
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
