Nota de Prensa
PSOE E PP PRIVATIZAN O SERVIZO DE AXUDA NO FOGAR COS VOTOS EN CONTRA DO BNG
Basanta afirma que “o alcalde mostrou a súa cara máis antidemócrata ao non querer dar explicacións diante do pleno do cese de Cancio nin deixar aos grupos da oposición presentar mocións de urxencia”
Foz, 29 de Xaneiro de 2010.- No pleno celebrado onte, o BNG votou en contra da proposta da alcaldía para privatizar o servizo de axuda no fogar a dependentes que finalmente aprobouse cos votos do PP e do PSOE. O BNG critica en primeiro lugar que este servizo estivera funcionando de forma irregular, como detectou unha inspección da Consellaría de Traballo e Benestar no mes de novembro, deixando ás persoas dependentes sen este servizo e saltando a lei. Pero o BNG entende que todas estas irregularidades manifestas –imputables ao propio grupo de goberno e particularmente á delegación de servizos sociais- non xustifica de ningunha maneira a privatización do servizo que se realizou. Privatizando o servizo o que se consigue é máis precariedade laboral para as traballadoras domiciliarias e un peor servizo, debido principalmente a que o que busca a empresa privada é rentabilizalo e obter o máximo beneficio, é dicir, facer negocio. Realmente, esta decisión de privatizar este servizo social público pon de manifesto a incapacidade do actual grupo de goberno para xestionalo, buscando a saída máis fácil e evidenciando a súa falta de principios ideolóxicos.
Onte no pleno da Corporación de Foz, o alcalde negouse a dar explicacións sobre o cese fulminante do seu tenente alcalde no mes pasado. O BNG pediulle explicacións a raíz dunhas declaracións aos medios nas que o alcalde falaba –en palabras textuais- de “o que non se pode facer é practicar cousas raras, estranas, no noso partido e persoas que se dedican ao seu mundo empresarial” e “que o meu deber é velar pola honorabilidade do Concello”. Pois ben, a todas estas dúbidas o alcalde deu calada por resposta, escudándose en que por ser alcalde pode cesar a quen quere e sen atender a máis razoamentos. Con esta actitude, o alcalde mostrou onte a súa cara máis antidemócrata e de desprezo institucional diante do máximo órgano de representación do Concello, que é o Pleno Municipal.
Saíron aprobadas a moción do BNG apoiando a fusión das caixas galegas, coa abstención do PSOE e a moción contra o decreto do galego no ensino.
O BNG ten que criticar unha vez máis o carácter antidemocrático do alcalde ao non deixar presentar mocións de urxencia aos grupos da oposición. En concreto non deixou introducir neste punto a creación dunha fototeca no Concello e a elaboración de informes xurídicos e técnicos sobre a viabilidade do PXOM.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
