Nota de Prensa
COMUNICADO DE PRENSA DO BNG DE RIBADEO
Cando a Asemblea Local do BNG de Ribadeo aprobou as listas coas que esta organización concorreu ás pasadas eleccións municipais escolleu ás mellores candidatas e candidatos. Así o referendou o electorado erixíndonos en primeira forza política. Lonxe de eludir responsabilidades, o grupo municipal do BNG asumiu o reto de gobernar o Concello en situación de minoría. Nin as actitudes inmaduras e de desquite da oposición amedrentaron aos membros do BNG cando lle quixeron retirar o soldo pola súa dedicación exclusiva a Fernando Suárez Barcia. Con comportamentos coma este, algúns membros da Corporación xa anunciaban ben ás claras que tipo de oposición ían facer.
O grupo de goberno traballou arreo ao longo da lexislatura. Non se puideron sacar adiante todos os proxectos, pero aínda queda un ano por diante de mandato, mal que lles pese a algúns, para completar o máximo posible a lista de obxectivos a acadar. Ben sexa desde o propio Concello, ben mediando coas administracións provincial, autonómica ou do goberno central, o equipo de goberno do BNG logra resultados que están á vista de todas e todos. E sabe tender a man para conseguir consensos que permitan sacar adiante importantes proxectos.
Nas últimas semanas púxose en marcha a fase de precomercialización das parcelas do polígono industrial de Ribadeo, aprobouse unha nova fase de rehabilitación do Casco Vello e a primeira do núcleo de Rinlo, estase a avanzar no proxecto de dotación de banda ancha nas parroquias a través da Asociación de Concellos da Reserva da Biosfera Oscos-Eo Terras de Burón; tamén se fixeron propostas para manter e potenciar a actividade do porto de Mirasol, analizamos (con todos os grupos municipais e a Xunta) o impacto do POL na nosa costa, seguimos mellorando as dotacións de locais e espazos públicos nas nosas parroquias, potenciamos as políticas de igualdade e tamén as de atención aos nosos maiores.
Mentres tanto, ás veces, uns ou outros, a oposición xoga a destruír os logros acadados. Confunden propostas alternativas, lexítimas, con prexudicar gravemente inversións xa aprobadas para Ribadeo. A boas horas se lle ocorreu a algúns membros da corporación que é mellor facer un centro de día por aquí e un albergue por alí. O caso é desgastar ao goberno municipal. E onde dixen digo, digo Diego. Se hai pouco máis de tres anos algúns aprobaban inicialmente unha ordenanza contra os ruídos nocturnos, pois agora non lles vale porque non a aproban eles e xa está.
Tamén confunden control e demanda de transparencia con pura e descarnada difamación. Con mentiras chocalleiras, propias de bonecos de palla, calúmniase e cuestiónase a honorabilidade de traballadores e traballadoras só porque non pensan coma eles. De novo lles lembramos a todo o pobo de Ribadeo que, desde hai tres anos, os procesos de selección de persoal que se fan no Concello de Ribadeo realízanse mediante probas baseadas nos principios constitucionais de igualdade, mérito e capacidade; son publicitadas segundo a normativa vixente; os tribunais están compostos por funcionarios (e non por cargos políticos, moito menos do Concello). Pero todo isto semella insuficiente para algúns individuos que se din de esquerdas e progresistas. Case parece que queiran dicir que, aos que non pensan coma eles, hai que lles poñer unha marca entre as cellas.
Fronte a estas actitudes, o grupo municipal do BNG seguirá a garantir procesos de contratación transparentes. E seguirá a traballar arreo polo Concello. Outros, mentres tanto, andarán de andrómena en andrómena.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
