SANTIAGO .- A Consellería de Presidencia convoca unha orde de axudas para financiar o funcionamento das agrupacións veciñais. O prazo de presentación das solicitudes remata o vindeiro 19 de maio
REFERENCIA
A Consellería de Presidencia convoca unha orde de axudas para financiar o funcionamento das agrupacións veciñais galegas
Destinará 100.000 € ás actividades propias e gastos correntes das confederacións, federacións, coordinadoras ou agrupacións de asociacións de veciños
O prazo de presentación das solicitudes rematará o vindeiro 19 de maio
Santiago, 19 de abril de 2010.- O Diario Oficial de Galicia (DOG) publica hoxe unha orde de axudas para financiar os gastos de funcionamento das confederacións, federacións, coordinadoras ou agrupacións de asociacións de veciños de Galicia.
Así, a Consellería de Presidencia, Administracións Públicas e Xustiza destinará 100.000 euros ás actividades propias e gastos correntes destas entidades no 2010, redundando na mellora da calidade da vida local galega. O compromiso coas agrupacións veciñais, consideradas un instrumento fundamental para canalizar as preocupación dos galegos e garantir a participación cidadá, representa un dos compromisos do Goberno galego, canalizado a través da súa Dirección Xeral de Administración Local.
As entidades interesadas en pedir estas axudas deberán estar inscritas no Rexistro Central ou nos rexistros provinciais de asociacións da Consellería de Presidencia e remitirlle a este departamento a instancia que figura anexa no DOG de hoxe no prazo dun mes.
Xunto a esta solicitude as agrupacións interesadas presentarán fotocopia compulsada da tarxeta de identificación fiscal da entidade; programación da actividade que se pretende realizar -con mención aos beneficiarios e ao calendario fixado-; relación de actividades desenvolvidas durante o 2009; nomes das asociacións ou federacións que forman parte do ente e os orzamentos detallados das actividades ou gastos para os que se solicita a subvención e para o ano 2010 (ingresos e gastos).
Así mesmo, os posibles beneficiarios teñen que achegar á Consellería unha declaración do conxunto de todas as axudas solicitadas ou concedidas para o mesmo fin das administracións públicas competentes ou outros entes públicos; un certificado no que se aproba participar nesta convocatoria e o nomeamento dun interlocutor coa Administración galega, e unha declaración deste último de non estar a entidade incursa en causas de incompatibilidade ou incapacidade para contratar e percibir subvencións da Administración pública.
Para valorar as solicitudes teranse en conta aspectos coma o interese do proxecto de actividade que se propón (40%); o número de asociacións de veciños confederadas, federadas ou agrupadas que integran a entidade solicitante (30%), así como as actividades desenvolvidas polo peticionario durante o último ano (30%). As solicitudes serán analizadas por unha comisión de valoración presidida polo director xeral de Administración Local e da que formarán parte os delegados territoriais da Xunta de Galicia e o subdirector xeral de Xestión e Cooperación Económica coas Entidades Locais, en calidade de secretario.
Para máis información, pode consultarse a edición de hoxe do Diario Oficial de Galicia (DOG) a través do enderezo electrónico: http://www.xunta.es/consulta-do-dog
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
