RIBADEO .- Once grupos traballan nas rodaxes de curtametraxes para participar no certame A Toda Mecha de OFestivalON, en Ribadeo. Sábado entregaranse os premios ás mellores curtas e terá lugar un concerto de Lamatumbá e Os Crebinsky.
Nota de Prensa
OFestivalON proxectará hoxe o filme Os Crebinsky e mañá celebrará a súa gran gala
Mañá se entregarán os premios ás mellores curtas e terá lugar o concerto de Lamatumbá e Os Crebinsky
Continúan as rodaxes de A Toda Mecha nas rúas de Ribadeo
Trala inauguración de OFestivalON, hoxe terá lugar a proxección do filme Os Crebinsky ás 21.30 horas no Cine Teatro. Ademais, mañá, o día grande deste festival se celebrará a gala de entrega de premios ás mellores curtas. As categorías nas que compiten son animación, ficción e documental, así a Mellor Curta de Fición levará o Misto de Pau de Sabugueiro, a Mellor Curta Documentario, o Misto de Pau de Carballo, a Mellor Curta Animación terá o Misto de Pau de Castiñeiro e a Mellor Curta do Público terá o Misto de Pau de Loureiro. Todos estes premios terán como compensación 1.200 euros.
Ademais, o día comezará cunha serie de proxeccións dende as 11 da mañá, que continuarán coa presentación do libro “Cine y televisión digital”, de Jorge Carrasco, ás 13 horas no Cantón dos Moreno, onde o autor charlará cos asistentes sobre este manual técnico.
Máis tarde, ás 14 horas terá lugar unha Caldeirada en Remourelle e ás 15 horas retomarase a Sección Oficial no Cine Teatro, que dará paso á estrea das curtas resultantes de A Toda Mecha ás 17 horas. Ás 21 horas, os Crebinsky percorrerán as rúas de Ribadeo, cantando e bailando ó son da música do filme.
Por outra banda, as proxeccións se están a realizar de forma ininterrumpida durante todo o día, contando con afluencia do público que se acerca, tanto ó Cine Teatro como ó Cantón dos Moreno, para visionar as curtas de carácter nacional e internacional que participan nesta sexta edición do festival.
Premios A Toda Mecha
Son once os grupos que nestes momentos continúan as súas rodaxes nas localizacións elixidas en Ribadeo e arredores. Moito cansancio, sono, pero sobre todo, moitas ganas de conseguir unha peza gañadora. Así, nesta categoría do festival, outorgaranse distintos premios, pero só será un deles o que gañe o Misto de Pau á Mellor Curta, obtendo 3000 euros en metálico. Desta forma, os equipos tamén competirán por conseguir os seguintes premios:
* Misto de Pau á mejor Corto grabado en Gallego.
* Misto de Pau al mejor Documental.
* Misto de Pau al mejor Guión.
* Misto de Pau a al mejor Dirección de Arte.
* Misto de Pau al mejor Actor.
* Misto de Pau al mejor Actriz
Para máis información visitar a web: www.ofestivalon.com
Ou a través de correo electrónico: info@ofestivalon.com / prensa@mrmisto.com
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
