CERVO .- A concelleira de Medio Ambiente do Concello de Cervo, Pilar Armada, considera plenamente xustificadas as queixas dalgúns veciños da parroquia de Sargadelos que levan xa varios anos soportando o abandono do Goberno provincial en canto ao mantemento da estrada que os une co resto de parroquias do termo municipal e sen que ata o momento a Deputación teña feito nada ao respecto.
Segundo precisou a responsable de Medio Ambiente, as queixas veciñais recollidas no Concello céntranse fundamentalmente no deterioro do vial nalgún dos seus tramos, a ausencia de limpeza e desentullo das súas cunetas e o mal estado da pasarela peonil da ponte, preto do cruce que une a igrexa parroquial co conxunto histórico. Este malestar dos veciños viuse agravado nos últimos días coincidindo co aumento da densidade de tráfico por esta estrada debido á afluencia de visitantes ao conxunto histórico-artístico e tamén pola proximidade da celebración da Romaría de Sargadelos, que terá lugar o próximo fin de semana.
“Hai que ter en conta de que é unha festa moi especial non só para os veciños de Sargadelos, se non tamén para moitas persoas do resto da comarca que tradicionalmente veñen aqui a pasar estes días de romaría. Nesta celebración hai moita xente implicada que leva varios anos traballando para relanzala e dende o Concello estamos a colaborar dentro das nosas posibilidades para que así sexa, e que o entorno privilexiado de Sargadelos se manteña nas mellores condicións non so durante a festa, se non tamén o resto do ano para que visitantes e mariñaos podan gozar del… Pero novamente atopámonos coa desidia e co pasotismo da Deputación, que unha vez máis fai gala da súa discriminación con veciños do Concello de Cervo e deixa que unha estrada da súa titularidade se asemelle máis a unha selva ca unha vía de comunicación” indicou Armada.
Facendo uso da ironía, Armada dixo que “tal vez, na última visita do presidente da Deputación ao noso municipio para reinaugurar as obras dunha estrada da súa competencia, debeu vir por Burela e non tivo a oportunidade de sufrir o mal estado da estrada ao seu paso por Sargadelos” e recomendoulle a Gómez Besteiro que “se por un casual, volve por aquí a reinaugurar de novo a mesma estrada, veña por Sargadelos e comprobe o seu estado de abandono”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
