BARREIROS .- Presentouse en Barreiros a XX Edición do Concurso de Castelos de Area, que se celebrará na praia de Arealonga en Barreiros este domingo día 25. o delegado de Deportes da Deputación, o nacionalista Antonio Veiga, asistiu á presentación na que tamén tamén estiveron Manuel Méndez e Arturo Dorado, membros da organización do certame, e Alfonso Fuente, alcalde do concello de Barreiros.
Nota de Prensa
ANTONIO VEIGA PARTICIPOU NA PRESENTACIÓN DA XX EDICIÓN DO CONCURSO DE CASTELOS DE AREA DE BARREIROS
A Área de Deportes da Deputación colabora co evento, que se celebrará este domingo día 25 e é un dos máis característicos da época estival na Mariña
BARREIROS, 22 de maio de 2010. Esta mañá, o delegado de Deportes da Deputación, o nacionalista Antonio Veiga, asistiu á presentación da XX Edición do Concurso de Castelos de Area, que se celebrará na praia de Arealonga en Barreiros este domingo día 25. Na presentación tamén estiveron presentes Manuel Méndez e Arturo Dorado, membros da organización do certame, e Alfonso Fuente, alcalde do concello de Barreiros.
Na presentación, Veiga afirmou que “a Área de Deportes da Deputación non pode deixar de apoiar unha iniciativa que leva tantos anos celebrándose e é tan propia do lugar como este certame de Castelos de Area”. Os ao redor de 400 participantes no certame estarán no areal sobre as 12 da mañá, e realizarán os seus traballo durante a baixamar. Ás 13:15 horas, as creacións estarán rematadas e ao redor desa hora se fará entrega dos trofeos aos creadores dos castelos e figuras gañadoras.
Segundo afirmaron os membros da organización, nesta edición do coñecido certame agárdase a participación de cerca de 400 persoas. Todos os anos o número de concursantes é moi elevado, xa que se celebra nun dos momentos que máis afluencia turística hai na zona. Ademais de colectivos de discapacitados, participarán no certame persoas tanto de Barreiros como doutros concellos, e tamén concursarán turistas que se atopan nos cámpings ou nos campamentos achegados á praia. Haberá 60 trofeos, ademais de obsequios para os participantes.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
