NOTA DE PRENSA:
O CONCELLO ASINOU UN CONVENIO DE COLABORACIÓN COA DEPUTACIÓN DE LUGO PARA A REHABILITACIÓN DO VELLO PAVILLÓN DE DEPORTES DA VILA. O INVESTIMENTO ASCENDE A 2,5 MILLÓNS DE EUROS DOS QUE 800.000 SE EXECUTARÁN ESTE ANO.
Ribadeo, 23 de agosto de 2010. O alcalde, Fernando Suárez, asegurou que hoxe é un día moi importante para Ribadeo tras a sinatura dun convenio de colaboración coa Deputación Provincial de Lugo que suporá un investimento de 2,5 millóns de euros nos vindeiros tres anos na rehabilitación do vello pavillón de deportes da vila, que está na Avenida de Luarca.
O rexedor pensa que “é un día moi importante para Ribadeo, para o deporte base no noso concello, cada día máis vizoso e con máis clubes e asociacións, e tamén é un bó día dende o punto de vista da seguridade, dado que esta modificación sustancial que prácticamente é a construcción dun novo pavillón no lugar onde temos o vello polideportivo, feito aló polos anos 60, ven a mellorar unha situación que estructuralmente estaba francamente mal”.
Suárez Barcia considera que “o pavillón vello no seu momento foi unha boa cousa para Ribadeo, pero a día de hoxe está absolutamente ultrapasado no que son as circunstancias de seguridade e é necesario ir a unha nova infraestructura”.
O alcalde destaca “tamén o compromiso que tiveron con Ribadeo o vicepresidente primeiro da Deputación, Antón Bao, e o delegado de Deporte e Cultura da Deputación, Antón Veiga, que se plasma nun convenio que contempla que neste ano 2010 xa teremos que ter feita unha inversión duns 800.000 euros ata un total de 2,5 millons de euros, que sufragará integramente a Deputación Provincial de Lugo”.
Fernando Suárez subliña que “dende logo é unha moi boa noticia para todo este movemento asociativo de fútbol, de fútbol-sala, de baloncesto, de ximnasia rítmica, de baile, …; en fin, de todos os que hai e de todos os que poida haber máis nesta infraestructura tan importante, tan grande e tan moderna que vai ter Ribadeo afortunadamente”.
NOTA DA DEPUTACIÓN:
ASINOUSE O CONVENIO DE COLABORACIÓN ENTRE A DEPUTACIÓN E O CONCELLO DE RIBADEO PARA A REFORMA DO PAVILLÓN MUNICIPAL
A subvención, de 2.500.000 euros, será financiada a 3 anos e dotará ao concello dunhas instalacións ampliadas e practicamente novas
LUGO, 23 de agosto de 2010. O nacionalista Fernando Suárez Barcia, alcalde do concello de Ribadeo, asinou esta mañá no despacho do delegado de Cultura e Deporte, Antonio Veiga, no Pazo de San Marcos, o convenio de colaboración entre a Deputación de Lugo e o concello de Ribadeo para a realización de obras de reforma e ampliación do pavillón polideportivo ribadense. Concédese, segundo este convenio, unha subvención excepcional por importe de 2.500.000 euros que será financiada a 3 anos, sendo en 2010 a inversión de 800.000 euros, no 2011, 700.000 euros e no 2010, 1.000.000 de euros.
Deste xeito, e como explicou Veiga, que asistiu á sinatura do convenio, “cúmprese unha vella demanda do concello e do deporte da Mariña en xeral, xa que dende hai tempo Ribadeo ven reclamando esta reforma e así, ademais, continuamos coa nosa liña de mellora da rede de instalacións deportivas municipais da provincia”. Afirmou que esta é “unha moi boa nova para Ribadeo e tamén para os deportistas da comarca, xa que por fin o concello conta cun pavillón practicamente novo, reformando o antigo, que data de preto dos anos 60 e presenta múltiples deficiencias”.
O concello de Ribadeo solicitara esta subvención o pasado mes de marzo, logo de comprobar a necesidade desta reforma polas evidentes insuficiencias do pavillón, que imposibilitaban a práctica deportiva. Fernando Suárez afirmou que “este é un moi bo día para Ribadeo no referente a infraestruturas, xa que deste xeito se potencia o movemento asociativo e deportivo ribadense, que á fin contará cun pavillón novo, reformando o antigo, que data de preto dos anos 60 e presenta múltiples deficiencias”. Afirmou que o concello preparará o antes posible todo o necesario para dar comezo ás obras, e reiterou o seu agradecemento “á Deputación de Lugo, e en especial á Vicepresidencia Primeira e ao deputado delegado de Cultura e Deporte, por este compromiso con Ribadeo polo que sen dúbida, os veciños e veciñas de Ribadeo estarán francamente agradecidos”.
A Deputación de Lugo, a través da súa política deportiva, segue deste xeito na liña consolidar a existencia dunha rede de instalacións deportivas públicas na provincia que dea resposta ás necesidades dos concellos nesta materia. Na xunta de goberno do pasado 13 de agosto, a Deputación dispuxo a concesión directa desta subvención plurianual de carácter excepcional para a execución destas obras, con prazo ata o 30 de decembro de 2012.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
